Säminuorâi taaidâtábáhtus |
![]() |
![]() |
25.2.2016
Ive 2016 teeman lii teatter FACEBOOK
Säminuorâi taaiđâtábáhtus uárnejeh Anarist Sämikulttuurkuávdáš Saijoosist 30. – 31.3.2016. Tábáhtus válduteema lii sämikielâlâš teatter. Lasseen tábátusist láá ei. tánssámpargopáájáh puáttee ive tábáhtus ovdâšin.
Taaiđâtábáhtus uárnejeh vuáruiivij jieškote-uv kieldâin já toos kočoh puoh sämipárnáid já - nuorâid sehe sämikielâ teikâ sämikielâlii máttááttâsâst leijee párnáid já nuorâid.
Lasseen tábáhtusâst lii eromâš sämiteema teikkâ pargopáájáh, main tieđetteh maŋeláá. Lasetiäđuh almostuveh Sämitige päikkisiijđoin aldeláá tábáhtus, ko tábáhtusuárnejeijee lii algâttâm pargos. Uárnejeijee tieđeet tábáhtusâst meid škovláid já stivrejeijeid šleđgâpoostâ peht.
Uási juávhuin váldoo säminuorâi ovdâsteijen väldikodálâš TEATRIS-tábáhtusân, mon uárnejeh Vaasast 27. – 29.5.2016. Vaasan váldoo juávkku, mast láá ucemustáá kulmâ nuorâ, kiäh láá 10-25 ihásiih já mon čaaitâlm pištá 15-60 minuttid. Säminuorâi tááiđâtábáhtusân pyehtih kuittâg uásálistiđ puoh párnááh já nuorah avveest peerusthánnáá!
Lasetiäđuid Vaasa Nuorâ Kulttuur -tábáhtusâst finniih tääbbin. Säminuorâi taaiđâtábáhtus njuolgâdusah láá siämmááh, peic ete Aanaar Sajosist tábáhtusân uážžuh väldiđ uási meiddei vuálá 10-ihásiih.
Logo: Tanja Sanila
Sämitigge uárnee ihásávt oovtâstpargoost kieldâiguin já páihálij sämiservijguin säminuorâi taaiđâtábáhtus (Sámenuoraid dáiddadáhpáhus).
Taaiđâtábáhtus uárnejeh vuáruiivij jieškote-uv kieldâin já toos kočoh puoh sämipárnáid já - nuorâid sehe sämikielâ teikâ sämikielâlii máttááttâsâst leijee párnáid já nuorâid.
Tábáhtus lii puáhtám oovdân maaŋgâid uđđâ taaidârijd já uásálistem toos lii ain lamaš valjaas. Säminuorâi taaiđâtábáhtus kulá väldikodálâš Nuorâ Kulttuur- tábáhtusân kejâlmâssân, mon puáhtá verdidiđ kuávlukieldâi tábáhtussáid. Väldikodálâš teema (muusik, teatter teikâ tanssâ) lasseen sämitábáhtusâst lii ain lamaš mottoom eromâš sämikulttuurân lohtâseijee teema.
Uárnejeijei mielâst lii lamaš tehálâš tuárjuđ tom puđâldemtooimâ, mii säminuoráid lii tijpâlâš já maid puoh enâmustáá puđâldeh. Tondiet juoigâm já lávlum láá šlaajân távjáb ko iärráseh. Muusikkovedâlmeh láá meid lamaš pivnuuh já tai rähtim lii ravkkâm uccâ, tuárisbeln leijee škoovlâin ennuv puđâldemtooimâ. Iä lah halijdâm, ete säminuorâi taaiđâtábáhtus čana nuorâid tuše ärbivuovij kattiimân peic meid eres taaiđâšlaajah láá vuáruluvâi fáárust.
![]()
Kove: Pinja Pieski 2014
Raportti vuoden 2015 taidetapahtumasta Utsjoella. Raportti Sodankylän tapahtumasta - Raapoort Suáđigil taaiđâtábáhtusâst 2014Raporta Heahtás 2013 - Raportti Hetan tapahtumasta 2013 Säminuorâi taaidâtábáhtus 2010: Keejâ kuuvijd täst. Raporta Sajosis 2012 - Raportti Sajoksen tapahtumasta 2012 Raporta Ohcejogas / Raportti Utsjoen tapahtumasta 2011 Raporta Roavvenjárggas - Raportti Roin tapahtumasta 2010 Raporta Vuohču dáhpáhusas / Raportti Vuotson tapahtumasta 2009 Raporta Heahtá dáhpáhusas / Raportti Hetan tapahtumasta 2008 Raporta Ohcejoga dáhpáhusas / Raportti Utsjoen tapahtumasta 2007 Raporta Anára dáhpáhusas / Raportti Inarin tapahtumasta 2006 Raporta Vuohču dáhpáhusas / Raportti Vuotson tapahtumasta 2005
Kove: Tanja Sanila
|
|
Viimeksi päivitetty ( 25.02.2016 ) |