| Säminuorâi taaiđâtábáhtus puátá vuod! |
|
|
|
Kyevtpiäivásâš säminuorâi taaiđâtábáhtus uárnejuvvoo Anarist Sämikulttuurkuávdáš Saijoosist 30.-31.3.2016. Tábáhtus válduteeman lii sämikielâlâš teatter. Lasseen ornip tanssâpargopoojijd, maigijn rahttâttâp jo puáttee ive tanssâteeman. Tábáhtus lekkâmtilálâšvuotâ tuálloo koskoho 30.3. tme 19 rääjist.
Škoovlâi já čaitâlmij almottâttâm tábáhtuvá taan ive neeti peht Webropol-riäidoin. Almottâttâmäigi lii 1.-15.3. Mij adelep tärkkilub tiäđuid aldeláá almottâttâmääigi älgim. Almottâttâmääigi ulguubeln puáttâm almottâtmijd ep pyevti väldiđ vuotân.
Tärkkilub tiäđuh teatterteeman lohtâseijee suorgijn kávnojeh taan liinkâ tyehin. Teatterteema meerhâš, ete meiddei nukketeatter lii máhđulâš! Saijoos vielgiskággáin nukkečaitâlmijd puáhtá čäittiđ ubâ salin.
Tábáhtus vuávájeijen lii algâttâm 1.2. Unna-Maari Pulska. Pyehtivetteđ väldiđ suin ohtâvuođâ puoh tábáhtussân lohtâseijee aašijn. Sämitigge uárnee vuod uásiväldeid maađhijd, ijâstâlmijd já uási puurâdmijn. Almottep tärkkilub tiäđuid aldeláá tábáhtus.
Mij tuáivuttep puohháid mielâkuvviittâslii rahttâttâm teatter mailmân! Uáinip Anarist!
Lasetiäđuh: Unna-Maari Pulska +358 (0)40 646 3223 unna-maari.pulska(at)samediggi.fi
|
|
| Viimeksi päivitetty ( 18.02.2016 ) |
