Čohčâmáánust 2007 joođoost lamaš internetsiijđoi uđâsmittempargo puátusin Sämitige päikkisiij­đoh láá 2.5.2008 rääjist neelji kielân: suomâkielân, tavesämikeilân, aanaarsämikielân já eŋgâlâs­kielân. Nuorttâsämikielâlâš siijđoh almostittojeh vyesimáánu ääigi ko teknisâš iästuh láá finnejum meddâl.

Internetsiijđoin kávnojeh tääl vuáđutiäđuh Sämitiggeest já ton tooimâst. Siskáldâs lasettuvvoo sij­đoid ubâ äägi, uđđâ materiaal lasseen sijđoid lii uáivilin pieijâđ meiddei ovdebij ivij raportijd, ciälkkámušâid jna.

Uđđâ siijđoi teknisâš olášutmist västidij Solinum Oy já olgohäämist máinustoimâttâh Studio Borga.

Internetsiijđoi uđâsmittempargo uáivilin lâi teknisâš jiešvuođâi já olgohäämi uđâsmittem lasseen uđâsmitteđ meiddei siskáldâs västidiđ onnáápeeivi táárbuid. Tuáivup, et uđđâ siijđoh palvâleh sämmilij lasseen meiddei media, virgeomâhijd já eres čanosjuávhuid tolebáást pyerebeht, iätá Sämitige haldâšemhovdâ Juha Guttorm.

Sämitige nettisiijđoh kávnojeh čujottâsâst www.samediggi.fi