Säämi kirkkopeeivih Anarist ive 2009 |
![]() |
![]() |
Säämi ekumeenlâš kirkkopeeivih uárnejuvvojeh Anarist 12.-14. kesimáánu 2009. Kirkkopeivijd vuárdojeh suullân 1500 uásivälded Suomâ, Ruotâ, Taa˛â já Ruošâ sämmilijn.
Peeivij teeman lii Säämi kirkkopeeivih - ohtâvuotâ Imelân já kuoimijdsân. Tuáivumist lii, et kirkkopeeivijn šadda sämmilij ekumeenlâš já aalmugijkoskâsâš kirholâš juhle já kuáhtámsaje. Kirkkopeeivij ohjelm tuálá siste immeelpalvâlusâid, seminaarijd, konsertijd, elleekuuvijd sehe eres lasseen jieijâs tooimâ nuoráid.
Kirkkopeeivij váldutoimâkodde čokkânij 6.-7. porgemáánust Anarist. Toimâkodde hammiistâlâi peeivij seminaarij arttân eres lasseen sämmilij kirholâš eellim suogârdâllâm tääl já puátteevuođâst, säämi kontekstuaallâš teologia sehe Ruošâ sämmilij historján já tilán uápásmem. Kirkkopeeivij valmâštâlmân kullen finnij prinsiiptoimâkodde valmâšin ”Aanaar sopâmuššân” nomâttum äššikirje, mast miäruštâlluvvojeh kirkkopeeivij ornim prinsiipah. Äššikirje mield uárnejuvvojeh kirkkopeeivih noonâ ohtsâšpargoin Suomâ, Ruotâ já Taa˛â sämmilijguin.
Säämi kirkkopeeivijd uárnee Oulu pispekodde oovtâst Suomâ sämitiggijn sehe Ruotâ já Taa˛â sämmilij kirkkorađijguin. Orniimijn lii mieldi meiddei Bareents kirhoi rääđi sehe Oulu ortodoksâlâš pispekodde. Vuosmuuh Säämi kirkkopeeivih tuállojii Ruotâ Juhâmohheest ive 2004. (1.8.2008 / NP)
LASETIÄĐUH: Sämipappâ Tuomo Huusko, tuomo.huusko(at)evl.fi, p. 040 7338153; Pispekoddedeekaan Niilo Pesonen, niilo.pesonen(at)evl.fi, p. (08) 5358 556, 044 755 5556; Váldutoimâkode saavâjođetteijee Jouni Ilmari Jomppanen, p. 0400 295588. |
|
Viimeksi päivitetty ( 15.08.2008 ) |