Škoovlâs algâttâm anarâškielâ máttááttâs uáppeeh finnejii kuhháá vuordum jiejâskielâlâš aabis kiävttusis vuosmuu škovlâoho loopâst. Sämitige škovlim- já oppâmateriaaltoimâttâh almostitij aabisist iskâdâllâmversio.

Aabis juohhui Aanaar markkân škoovlâ anarâškielâ máttááttâsjuávkun. Anarâškielâ máttááttâsâst algâttii ohtsis kuttâ vuosâluokkalii já ohtâ ovdâškovlâlâš.

Anarâškielâ Aabis lii puohâin aaigijn vuosmuš. Ton kietâčalluu lii čáállám Matti Morottaja (Kuobžâ-Saammâl Matti) já kuvvim Daniel Gelencsér. Aabis vuosmuu uási materiaal valmâštui eidu škovlâive älgidijn já tot luávdá čohčâlohopaje.

Kiđđâaabis iskâdâllâmversio almostittoo puáttee ive aalgân. Anarâškielâ aabis lii meeri valmâštuđ čohčuv 2009 kyehtin kirjen, čohčâ- ja kiđđâaabisin.