Säämi kielâlahâčielgiittâs almostui kirjen |
![]() |
![]() |
Fil lis. Klemetti Näkkäläjärvi (Juvá Leemit) rähtim čielgiittâs ´Säämi kielâlaavâ olášume iivijn 2004-2006´, lii almostum kirjen. Čielgiittâs árvuštâlâi vijđáht ive 2004 vuáimán puáttám uđđâ säämi kielâlaavâ olášume Suomâst. Čielgiittâs valmâštui moonnâm ive loopâst já tääl tot lii almostittum masa 400 sijđosâš kirjen.
Čielgiittâs árvuštâl mommit sämikielâlâš palvâlusah láá finniimist sämikuávlu kieldâin, sämikuávlu staatâ virgeomâháin, sämikuávlu ulguupiäláin staatâ já almossiärváduvâi virgeomâháin sehe sämiorganisaatioin já sämiseervijn. Čielgiittâs tuálá siste meiddei vijđes toimâiävtuttâsâid laavâ pyereeb olášutmân.
Teddilum čielgiittâs lii finniimist Sämitige sämikielâ toimâttuvâst. Sämikielâlâš uánádâs lii luuhâmnáálá sämitige internet-siijđoin (Dokumentah > Sämitige čielgiittâsah já muštâlusah), main Selvitys Saamen kielilain toteutumisesta lii finniimist pdf-vuárkkán. |
|
Viimeksi päivitetty ( 19.08.2008 ) |