Sämitigge lii asâttâm vaaljâpajasis 2008-2011 ohtsâšpargo-orgaan ovdediđ sämimáttááttâs ja tiäđujotteem sämitige já máttááttâsvirgeomâhái kooskâ. Ohtsâšpargo-orgaanâst láá sämitige lasseen ovdâsteijeeh máttááttâsministeriöst, máttááttâshaldâttâsâst, Laapi läänihaldâttâsâst já sämikuávlu kieldâin.

Máttááttâsministeriö lii nomâttâm jieijâs ovdâsteijen pajetärhisteijee Anna Mikander (väriovdâsteijen pajetärhisteijee Seija Rasku). Máttááttâshaldâttâs ovdâsteijen lii ovdedemhovdâ Jorma Kauppinen (väriovdâsteijen Leena Nissilä) já Laapi läänihaldâttâs čuovviittâstooimâtärhisteijee Elisa Suutala (väriovdâsteijen čuovviittâstooimâtärhisteijee Kari Torikka).

Aanaar kieldâ ovdâsteijen lii čuovviittâshovdâ Katriina Morottaja (väriovdâsteijen Laila Aikio), Iänuduv kieldâ ovdâsteijen máttáátteijee Berit-Ellen Juuso (väriovdâsteijen Oula-Matti Palojärvi), Ucjuv kieldâ ovdâsteijen kieldstiivrâ saavâjođetteijee Antti Katekeetta (väriovdâsteijen Arja Alaraudanjoki) já Suáđigil kieldâ ovdâsteijen čuovviittâstooimâhovdâ Hilkka Orava (väriovdâsteijen Risto Varis).

Sämitige ovdâsteijen ohtsâšpargo-orgaanâst láá máttáátteijee Rauni Äärelä (väriovdâsteijen Liisa Holmberg) já sierânâsmáttáátteijee Nea Porsanger-Rintala (väriovdâsteijen Merja Nillukka). Ohtsâšpargo-orgaan lii meeri čokkâniđ čohčâlohopaje ääigi.