Seenaat-kidânjâsah ornij kyevtimuddosâš arkkitehtkišto säämi kulttuurkuávdáást, mii huksejuvvoo Aanaar markkânân Juvduu piällás. Kišto1. muddo, mii čođâldittui ideahámásâžžân kišton kulttuurkuávdáá arkkitehtoonsâš já toimâlâš konsept kavnâmân, nuuvâi 30.6. 2008, já toos pottii puohnâssân 58 iävtuttâssâd.

Iävtuttâsâin, moi tahheeh lijjii sehe syemmiliih já olgoeennâmliih, lâi palhâšemlävdikode mield aldanum kulttuurkuávdáá arkkitehtoonlâš čuávdus mangáin jieškote-uvlágán movdijdittee vuovvijn. Palhâšemlävdikodde lii meridâm koččođ kišto 2. muudon, mii tuálloo 1.9. - 3.10.2008, kuttâ iävtuttâs. Kištodeijeid adeluvvojeh iävtuttâskuáhtásiih jotkâvuávámravvuuh tast, maht pargoid kolgâččij ovdediđ.

Arkkitehtkišto 2. muddo čovdâs 3.12.2008. Kišto iävtuttâsah láá toimâttum nommâmerháin, et taam muddoost juátkiđ väljejum tahhei noomah iä lah tiäđust. Kulttuurkuávdáá eidusâš vuávám algâttuvvoo uđđâivemáánust 2009 já huksimpargoh älgih kiđđuv 2010. Vuáváámij mield táálu váldoo kiävtun ive 2012 ääigi.

Luuvâ ubâ tiäđáttâs suomâkielân

Luuvâ ubâ tiäđáttâs eŋgâlâskielân