Kyevtuásásâš Áppes lii lamaš kiävtust juo suullân 20 ihheed já ton rähteeh láá Helena Valkeapää, Seija Guttorm já Aletta Ranttila. Tääl almostum teddilâs lii oornig mield niäljád já ton teevstah láá mottoom verd uđâsmittum.

Pirâstiäđu pargokirje kulá taan čoovčâ almostum siämmáánommâsâš oppâkiirján, Skuvlla birasdiehtu 3. Pirâstiettuu kirjeh láá säämi pirrâsân heiviittum jurgâlusah kuástidemfinnodâh Otava almostittám oppâkirjerááiđust. Sämikielân ton lii jurgâlâm Jovnna-Ánde Vest.

Kirjeh láá finniimist Sämitige škovlim- já oppâmateriaaltoimâttuvâst já toh juáhhojeh škovláid nuuvtá.