Sämitigge tuhhiittij čuákkimistis 27.10.2008 Sämmilij sosiaal- já tiervâsvuođâhuolâttâs ovdedemohjelm ivvijd 2008-2011.

Ohjelm uáivilin lii jieijâs uásild ovdediđ sämmilij kielâlâš já kulttuurlâš vuáđuvuoigâdvuođâi olášume jiešhaldâšem vuáđuld. Sämmiliih kalgeh pyehtiđ puátteevuođâstuv eelliđ já ovdániđ jieijâs aalmugin, jieijâs vuolgâsoojijn sudâhánnáá válduáaalmugân. Taat váátá jieijâs kielân já kulttuurân vuáđuduvvee palvâlusâi lasettem já toi siskáldâs ovdedem.

Sämmilij palvâlusâi oovdedmist tiäduttuvvojeh puárásij palvâlusah, aarâhšoddâdm, sosiaalpargo, psykososiaallâš palvâlusah, ravviittâstoimâ sehe eellimtile já sosiaaltorvo ovdedem. Ovdedemohjelm tooimah viggojeh siskáldittiđ Sämitige, sämikuávlu kieldâi já syergi eres ovdedemorganisaatioi tooimân já toimâohjelmáid.

Sämitiggeest lii šoddâm merhâšittee sosiaal- já tiervâsvuođâsyergi tuáimee ive 2002 rääjist, ko toos čujottui vuossâmuu keerdi sierânâs sämikielâlâš sosiaal- já tiervâsvuođâpalvâlusâi oovdedmân uaivildum staatâtoorjâ. Sämitigge ruttâd staatâtorjuin sämikuávlu kieldâi sämikielâlâš palvâlusâid.