Suoma Sįmi Nuorat r.o. |
![]() |
![]() |
Suoma Sámi Nuorat (Suomâ Säämi Nuorah) lasseet ohtâlâsvuođâ
Suoma Sámi Nuorat rs. (ry.) vuáđudui 1991 tuárjuđ aktiivlâš säminuorâi tooimâ já lääččiđ säminuoráid máhđulâšvuođâ čokkâniđ vaikuttiđ nuorâi aššijd. Suoma Sámi Nuorat lii ubâ enâmist tuáimee nuorâiservi, mii uárnee tábáhtusâid, teeivâdmijd, konserttijd, kuursâid já ennuv eres. Tot váldá poolitlávt pele säminuorâid kyeskee aašijn, lii mieldi miärádâstohâmist sehe viggá vaikuttiđ algâaaalmugijd já eromâšávt toi nuorâid kyeskee aššijd.
Seervi ulmen vaikuttem lasseen lii nanodiđ säminuorâi identiteet já kulttuurtubdâm sehe viärmádâttâđ eres säminuorâi servijd já eres algâaalmugij nuoráid. Tave-eennâmlâš oovtâstpargo lii-uv uáli ennuv; Ruotâ Sáminuorra-servijn láá jo läjidum stäđis koskâvuođah, já ohtsii neelji eennâm nuorâiservi vuávájuvvoo.
Suoma Sámi Nuorat -seervi stiivrâst láá vittâ eidusâš jeessân já vittâ värijeessân. Stiivrâ saavâjođetteijen väljejui cuáŋuimáánust 2012 jo čiččâd keerdi Tuomas Aslak Juuso, Gáijjot Ánte Issahá Duommá kote lii 28-ihásâš pajeolmooš Kietâruottâsist. SSN tooimân sun šoodâi 2000-lovo aalgâst, ko ”kyehti Aanaar veerdi, Paltto já Länsman, káivádáin suu fáárun Tuáivunjaargâst”, kost Juuso juuđij talle puásuituáluškoovlâ. Tuomas Aslak väljejui ive 2008 historjá nuorâmu˛˛ân ovdâsteijen Suomâ Sämitiigán, mut iveh láá jođettâm Tuomas Aslak aalmugijkoskâsâš politiikân fáárun já tááláá ääigi sun tuáimá še OA algâaalmugij foorum aalmugijkoskâsii algâaalmugnuorâi juáhus saavâjođetteijen.
Värisaavâjođetteijee pargoid tipšo pelestis Anne-Maria Magga. Eres stiivrâ jesâneh láá Aletta Lakkala, Unna-Maari Pulska já Sara Wesslin. Värijesânin tuáimih Mikkel Näkkäläjärvi, Rosa-Máren Magga, Aslak Holmberg, Leena-Maaret Niittyvuopio sehe Ida-Maria Helander.
Kooveest Tuomas-Aslak Juuso, Sara Wesslin já Sauli laiti.
Kooveest Ida Helander já Aletta Lakkala.
Kooveest Aslak Holmberg já Unna-Maari Pulska.
Kooveest Rosa-Máren Magga, Elli-Marja Hetta, Anni Koivisto já Anne Halonen. Anna-Katariina Feodoroff, Leena Niittyvuopio, Karen-Anni Hetta, Sari Sarre, Laura Niittyvuopio já Unna-Maari Pulska.
SSN olášut projektijd já vuolgât ovdâsteijeidis aalmugijkoskâsáid konferenssáid
Suoma Sámi Nuorat lii ornim maaŋgâlágánijd tooimâid já ennuv láá še puátimin. Majemui iivij enâmustáá oinum tábáhtussáid kuulâi roovvâdmáánust 2008 TV-uđđâsijn-uv oinum mááccuhmielâčááitus sehe ennuv säminuorâid čuákkejeijee salibandy sämimiäštárvuođâkištoid uásálistem.
Ive 2007 SSN lâi orniimin stuárráb Kavnâdem-čokkânem. Talle ennuv säminuorah Suomâst, Ruotâst, Taa˛âst já Ruošâst čokkânii savâstâllâđ säminuorâi puátteevuođâst sämipolitiikâst já -oovtâstpargoost. Servi lii uásálistám maŋgáid eres-uv aalmugijkoskâsáid seminaaráid, meid sämisiärváduv ulguubeln. Ovdâmerkkân ive 2012 SSN ornij oovtâst Sämitige nuorâiraađijn já Suomâ olgoministeriöin New York UNPFII:n (United Nations Permanent Forum for Indigenous Issues) ohtâvuođâst uálgitábáhtus nuorâi vaikuttemmáhđulâšvuođâin.
Stivrâpaje stuárráámus proojeekt lii kuittâg lamaš seervi peividum nettisiijđoh, moh kolgâččii lekkâsiđ loppâive 2012. Nettisiijđoh palvâleh SSN tehálumosijd uulmijd, moid kuleh säminuorâi fattim eennâmvijđáht sehe seervi tooimâst tieđettem. Aldapuátteevuođâst SSN vuáváá eres lasseen tábáhtus Kavnâdem 2 Ruotâ já Taa˛âpele säminuorâi servijguin sehe algâttiđ rekrytistemkampanja, mon uáivilin lii toohâđ SSN tooimâ uáinojeijen já kiäsutteijen nuorâi čoolmijn.
Suoma Sámi Nuorat ry stivrâ tuálá jieijâs blogi, mon pehti tieđettuvvoo seervi projektijn, tábáhtusâin já aašijn mast SSN lii lamaš mieldi.
Liiŋkah:
|
|
Viimeksi päivitetty ( 11.11.2013 ) |