Binna Bánna-párnái radio-ohjelm kullui vuossâmuu keerdi vyesimáánu 8. peeivi 2002. Vuolgâttâs kukkodâh lâi 30 minuttid já Binna Bánna toimâttuvvoo kuulmâ sämikielân. Tast láá tave-, aanaar- já nuorttâsämikielâliih uásih, moi tooimâtmist párnááh láá aktiivlávt mieldi. Ohjelmijn čuájá ennuv sämikielâlâš párnái muusik.  

YLE Sämi radiost láá lamaš párnái ohjelmeh jo ovdil 2000-lovo. 1980-lovvoost vuolgâttui škovlâradio já lávurdâhiđedij vuolgâttâsâi ohjelmijn lijjii meid párnáid toimâttum uásih. Ovdil YLE Sämiradio pyevtittem Binna Bánna-ohjelmijd Taažâ almosradiofinnoduv NRK pyevtittem sämikielâliih párnáiohjelmeh kullojii meid Suomâst.  

Binna Bánna-ohjelm kuulah Yle Säpmi kanavast jyehi vuossaargâ tme 15.30 já uđđâsist koskohoi tme 09.00. Jis jieh pyevti kuldâliđ Sämiradio vuolgâttâsâid, láá ohjelmeh kuullâmnáál oho ääigi internet-čujottâsâst:

http://yle.fi/sapmi/

Kooveest Binna Bánnan toimâtteijee Irene Länsman pargostis.