Šoddâm Čevetjäävri nuorttâlâšsiärvusân 25.4.1984, ive kuás šoŋŋâdâhlieggânmist ij lamaš vala tiätugin. Vuossâmuid sanijdân lam háputtâllâm nuorttâsämikielân, mut iäččám jäämmim maŋa oppâm potkânij já nuorttâsämikielâ sajan poođij suomâkielâ, algâttim nuorttâsämikielâ oppâm uđđâsist vuáđuškoovlâst.

Sämmilâšvuotâ meerhâš munjin iäččán äärbi, maid kuádám váimustân áášán kullee tuođâlâšvuođáin. Verdidâm nuorttâsämmilâšvuođâ ilolâšvuotân, jieččân luándu livkkáásvuotân já jieččân siälu puálun.

Lam pajeuáppee ihemalli 2003, mon maŋa lam valmâštum meid aaibâs olmâ ámáttân – kokkân. Jieččân pargoost halijdâm finniđ säämi purrâmâškulttuur aaibâs uđđâ sfäärijd, tastko počâšâm steikkuu. Vuáváám já ovdedâm uđđâ jurduid sihtiimáin olesváldálii naavdâšmân. Puátteevuođâst halijdiččim uápásmittiđ sämmilijd medium piärgu smaakân já ráhtusân… Sehe čäittiđ, et porkkan ij máállás pilled! ;)

Ittáážist jiem tieđe, mut halijdiččim siäiluttiđ kulttuur meid máhđulijd párnáidân, vâi sij liččii ávusuboh; tyestiluboh já eenâb ovdâskulij viggeeh ko maid mun jieš lam. Nuorttâsämmilâš kulttuur hástusin uáinám kulttuur imago uđâsmittem sehe mielâkiddiivâšvuođâ lasettem tai epistäđis mediaseksuaallâšvuođâ aaigij! Jieš lam finnim taggaar kove, et mii kulttuur lii uási historjákiirjijd, ij täst já tääl eeleev. Puárásubboid merideijeid kesimáin táátum, lyeštiđ halulijd nuorâid väälditoppiittâhân kiddâ, tobbeen toh nubástusah puátih, nuorâvuođâ vildâ vuoimijn pehtilittum häämist!

- Tuoddârij curmepoovsâ, tuot algâvuovdij nánnáás seireen -