| Säminuorâi taaidâtábáhtus já filmâfestivaalâ Vuáčust 26.3. |
|
|
|
Säminuorâi taaidâtábáhtus já mini-filmâfestivaalâ uárnejuvvoo Vuáčust tuorâstuv njuhčâmáánu 26. peeivi 2009. Tábáhtus sämiteeman taan ive lii sämikielâlâš uánihisfilmâ já väldikodálâš teeman teatter. Taaidâtábáhtusâst väljejuvvoo säminuorâi ovdâsteijee väldikodálâš Nuorâ Kulttuur-tábáhtusân, mii uárnejuvvoo Lappeenrantaast vyesimáánust.
Väldikodálâš Nuorâ kulttuur-tábáhtus teeman lii teatter já tábáhtus uárnejuvvoo Lappeenrantaast 22.-24.5.2009, lasetiäđuh www.nuorikulttuuri.fi . Puáttám ravvui mield väldikodálâš tábáhtusân lii máhđulâš vuolgâttiđ oovtâ säminuorâi ovdâsteijee (ovdâmerkkân juávhu).
Säminuorâi taaidâtábáhtus lii jyehi-ihásâš tábáhtus, mii uárnejuvvoo vuáruiivij sämikuávlu kieldâin. Ton váldu-uárnejeijen tuáimá sämitige škovlim- já oppâmateriaaltoimâttâh, mon lasseen páihálijn škoovlâin já sämiseervijn lii merhâšittee rooli orniimijn.
Sämitigge uárnee fievrijdmijd tábáhtusân ovdii vyevi mield jieškote-uv kuávlust sämikuávlu. Tábáhtus lii áávus meiddei sämikuávlu ulguubeln puátteid. Fievridmij kuástidem sämikuávlu ulguubeln lii kiddâ staatâtorjuu meereest, mii finnejuvvoo máttááttâsministeriöst. Tábáhtusâst fálloo uásálisteid škovlâpurrâmâš.
Taaidâtábáhtus valmâštellen sämitiggeest tuáimá Anni Näkkäläjärvi (anni.nakkalajarvi(at)samediggi.fi). Tärhibeh ravvuuh já tábáhtus njuolgâdusah toimâttuvvojeh škovláid puorijn muunijn. Čuávu meiddei sämitige päikkisiijđoid www.samediggi.fi . |
|
| Viimeksi päivitetty ( 19.02.2009 ) |
Uánihisfilmâ lii taaidâtábáhtus teeman tääl vuossâmuu keerdi. Mini-filmâfestivaalâst čáittojeh nuorâi sämikielâlâš uánihisfiilmah, moh láá rahtum majemuu kyevti ive ääigi. Maaŋgâin škoovlâin lii uárnejum mediaškovlim, mon puátusin nuorah láá peessâm rähtiđ elleekuuvijd. Škovlim ij lah kuittâg uárnejum puohâin sämikuávlu škoovlâin já tääsi lii lamaš molsâšuddee. Taam keežild elleekoveh kiäččojeh Vuáču tábáhtusâst mini-festivaalân, ige kišton.