| ´Beaivvi áhkubat´ oovdâst säminuorâid riijkâ tääsist |
|
|
|
Aanaar paješkoovlâ teatterjuávkku Beaivvi áhkubat vuálgá ovdâstiđ säminuorâid väldikodálâš Nuorâ Kulttuur -tábáhtusân Lappeenranta-kaavpugân vyesimáánust. Ivnáás já čeepiht pivtâstum juávkku šadda 8.-9. luokaid väzzee nuorâin. Čáitáltâs Beaivvi bártni soagŋomátki kieđâvuš Piäiváá alge kuáššummääđhi já tom lii stivrim Petra Biret Magga.
Säminuorâi taaidâtábáhtusâst palhâšuvvojii meid čuávvoo teatterčáitáldâsah: - Kärigâsnjaargâ škoovlâ sämiluokai (1-6) Áilegas nuorat –juávku čáitáldâs Bihcabáhcatmeahcis, mast tehálâš teeman luptânij luándu nuáskum. Čáitáldâs stivrij Maarit K. Pieski. - Kaaresuvanto škoovlâ Buoidagat –juávku čáitáldâs Gos boagán, gos liidni ?, mast tehálâš koččâmâšah lijjii ulmui koskâvuođah, rehálâšvuotâ já addâgâsânadelem. Čáitáldâs stivrij Anna-Reetta Niemelä. - Iänuduv paješkoovlâ Gollegielagat –juávku čáitáldâs Gollegiella – sámegiella ?!?, mast kieđâvuššui sämikielâ sajattâh já kevttim palvâlusâin. Čáitáldâs stivrijn Anne-Mari Kukkonen já Berit-Ellen Juuso.
Taaidâtábáhtusâst palhâšui meiddei Čevetjäävri škoovlâ filmâjuávkku, mii lâi valmâštâm uánihiselleekove nuorttâsämikielâlâš Idols-kištodmist. Aanaarsämikielâlâš 0-1-luokai uáppein šaddee juávkku finnij palhâšume čeepiht rahtum aanaarsämikilâlâš animaatioelleekuuvijn. |
|
| Viimeksi päivitetty ( 02.04.2009 ) |
Beaivvi áhkubat –juávhu čáitáldâs lii muusikteatter já tast láá mieldi Sunna Valkeapää, Anniina Kitti, Gabriela Satokangas, Rauna Saijets, Maria Saijets, Inger-Elle Suoninen, Mari Guttorm já Sunna Nousuniemi. Juávkku väljejui säminuorâi ovdâsteijen väldikodálâš tábáhtusân Vuáčust 26.3. uárnejum säminuorâi taaidâtábáhtusâst. Tábáhtus tuámárin toimáin caittâleijee-toimâtteijee Irene Länsman já teatteripargo uáppee Heli Huovinen.