Sämitige saavâjođetteijee mánuppaje virgerijjâvuotân |
![]() |
![]() |
Sämitige saavâjođetteijee Klemetti Näkkäläjärvi páácá mánuppaje virgerijjâvuotân 11.5.-10.6. Näkkäläjärvi parga mánuppaje ääigi totken Oulu ollâopâttuvâst valmâštâlmin kulttuurantropologia suárgán kullee náguskirje.
Virgerijjâvuođâ mieđettij sämitige stivrâ čuákkimistis 30.4. Saavâjođetteijee sajasâžžân tuáimá sämitige vuossâmuš värisaavâjođetteijee Irja Seurujärvi-Kari.
Stivrâ tuhhiittij meiddei sämitige ruttâtuálulopâttem ivveest 2008. Ruttâtuálulopâttem lâi loopâst, korrâ šeštimtooimâi já pehtilis tooimâ áánsust suullân 12.000 eurod paijeelpäccee. Stivrâ kavnâttij tuđâvâžžân meiddei tooimâi lasanem, mii čiälgá toimâmuštâlusâst. Ciälkkámušah, iävtuttâsah já alguuh tahhojii suullân kuálmádâs eenâb ko ovdebijn iivijn. |
|
Viimeksi päivitetty ( 30.04.2009 ) |