Čaalâ puáhtá leđe juurdâ, tuoivâ tâi ulme tast, mon tiileest sämmiliih eellih já láá pajeláhháá kyevtlov ive keččin. Maid sämmiliih pargeh já maggaar mailmist sämmiliih eellih ive 2030?

Čäällimkiišton pyehtih uáslistiđ 10–29-ihásiih säminuorah, kiäh iä lah almostittám čaabâkirjálâš kirje tâi jieškuástádâs. Kiišton puáhtá uásálistiđ enâmustáá 4 siijđo tevstáin, mut kištodemteevstah pyehtih leđe uánihuboh-uv. Čallui stijlâšlaajâ lii rijjâ já kiellân pyehtih leđe sämikielah já suomâkielâ.

Čäällimkiištoost láá kulmâ rááiđu. Kištodeijee ráiđu miärášuvá ave mield. Rááiđui pyeremusah palhâšuvvojeh Sämitige Nuorâilävdikodde-haavâ ornim säminuorâi konfereensâst Suáluičielgist 16. roovvâdmánnu 2009. Lasseen konfereensâst puáhtojeh uáinusân čäällimkištoost finnejum puátuseh. Tuámárin čäällimkiištoost toimâv Rauna Paadar-Leivo já Mikkal Morottaja.

Kištodemrááiđuh:

1. 10–13-ihásiih

2. 13–18-ihásiih

3. 18–29-ihásiih

Čalluuh iä macâttuu, pic toh siäiluttuvvojeh Sämitige arkkâduvâst. Säämi párnáikulttuurkuávdáá ulmen lii toimâttiđ kirje čäällimkišto teevstâin ive 2010. Kirje kuvvim várás puáhtá čalluid lahteđ meiddei aartân suáppee čuovâkuuvijd tâi sárgusijd. Kiišton uáslisteeh pyehtih tevdiđ mieldičuávvoo love čallui almostitmân. Vuálá 18-ihásiih kalgeh pivdeđ huolâtteijee mietâmâš.

Čalluid, main lii čällee nommâ, ahe já ohtâvuođâtiäđuh, kalga toimâttiđ majemustáá 2. roovvâdmáánu 2009 räi. Kištočalluuh vuolgâttuvvojeh čujottâsân:

Nuorâilävdikodde-haahâ/Sämitigge

Angelintie 696

99800 INARI

Lasetiäđuh:

Párnáikulttuurkuávdáš                                                  Nuorâilävdikodde-haahâ

Toimâjođetteijee Petra Biret Magga                               Proojeektpargee Anne Länsman

petra.magga(at)samediggi.fi                                            anne.lansman(at)samediggi.fi

010 83 93 110                                                               010 83 93 134