Sämitige 16.–17. roovvâdmáánu ornim säminuorâi konfereensâst láá kuullâmnáál äigikyevdilis sahâvuáruh. Konferens puátá lehâstiđ kulttuur- já valastâllâmminister Stefan Wallin.

Lasseen nuorâipoolitlâš äššikirjij tááláá tiileest puátá muštâliđ máttááttâsministeriö nuorâiohtâduv hovdâ Olli Saarela. Sämitige tiervâttâs konfereensân puáhtá Sämitige saavâjođetteijee Klemetti Näkkäläjärvi.

Sahâvuáruid säminuorâi vaikuttemmáhđulâšvuođâin sehe tiileest tuálih Lars Miguel Utsi Aalmugijkoskâsâš Baareents čäällimkoddeest sehe Anne Kirste Aikio Suomâ säminuorâi seervist. Lasseen paaneelsavâstâllâm, mii peeivi ääigi uárnejuvvoo, leehâst máhđulâšvuođâid jurduid rävkkee savâstâlmân. Loppâsahâvuáru tuálá Sämitige nuorâmus jeessân Tuomas Aslak Juuso. Ohjelm peividuvvoo Sämitige Internet-siijđoin.

Almottâttâm konfereensân nohá vástuppeeivi 2. roovvâdmáánu.

Ohjelm

Lasetiäđuh: Proojeektpargee Anne Länsman, anne.lansman(at)samediggi.fi, 010 83 93 134