Säämi muusikkuávdáš lii Sämitige vuálásâš kuávdáš, mii oovded maaŋgânáál sämimuusik jieškote-uv uásisuorgijd. Kuávdážist parga ohtâ pargee meriáigásávt.

Visio:

Säämi muusikkuávdáš tuárju ärbivuáválii sämmilij vookaalmuusikstiijlâi (juáigus, leudd´ já livđe) siäilum já ovdánem, uárnee ellee já ovdáneijee sämimuusik máttááttâs, fáálá raamijd säämi muusik pyevtitmân, oovded säämi muusikmättim, loptee sämimuusik imago já tađemield lasseet mielâkiddiivâšvuođâ säämi musikkân.

Säämi muusikkuávdáá kuávdášlumoseh tooimah láá juoigâmmáttááttâs ornim sämikuávlu škovláid. Máttáátteijen tuáimih ärbivyevikyeddeeh, kiäh mättih juoigâmärbivyevi. Pargo lii áinoošlajâsâš já ton viggâmuš lii turviđ ärbivuáválij sämmilij vookaalmuusikstiijlâi siäilum já ovdánem. Lasseen säämi muusikkuávdáš tuárju meid uđđâ sämimuusik máttááttâs já uárnee máttáátteijei škovlim sämimusikkist. Ijattes ijjâ lii algâaalmugij muusiktábáhtus, mii uárnejuvvoo Anarist. Säämi muusikkuávdáš lii kuávdášlâš roolist tábáhtus orniimist.

 Tuvalalâš čuudâlávloo Igor Koshkendei lávdástâlâi sämipárnáid porgemáánust 2011 Anarist.

Säämi muusikkuávdáš lii Säämi kulttuurkuávdás Saijoos aktiivlâš tuáimee. Sajos fáálá fiijnâ raamijd Säämi muusikkuávdáá tooimân. Säämi musiikkuávdáš uárnee Sajosist konserttijd já eres musikkân lohtâseijee tábáhtusâid.

Säämi muusikkuávdáá tooimâ ruttâd Máttááttâsministeriö.

Ijattes ijjâ – algâaalmugij muusiktábáhtus: www.ijahisidja.fi

Säämi kulttuurkuávdáš Sajos: www.sajos.fi