Säminuorâi uásálistem- já vaikuttemmáhđulâšvuođah puáráneh. Sämitigge vuáđđud jieijâs ohtâvuotân nuorâirääđi já nuorâičällee virge. Nuorâirääđi asâttuvvoo häävild kyevti ihán. Rááđán šaddeh ohtsis vittâ 18-25 -ihásii jeessân. Lasseen nuorâirááđán nomâttuvvojeh ohtsis vittâ 15-17 -ihásii äššitobdee.

Nuorâirääđi šadda toimâđ sämitiggeest äššitobdee- já oovtâstpargo-orgaanân já nuorâi hiäđukoccen. Nuorâirääđi šadda ovdâstiđ Suomâ sämmilij kuávlulijd já kielâlijd juávhuid.

Sämitige čuákkim meridij nuorâirääđi já nuorâičällee virge vuáđđudmist čuákkimistis Hettaast tuorâstuv 11.3. Äšši lii valmâštâllum máttááttâsministeriö ruttâdem projektin suullân ive ääigi. Haavâ valmâštâllâm pargojuávhu lii jođettâm sämitige nuorâmus jeessân Tuomas Aslak Juuso. Ääši valmâštellen lii toimâm Anne Länsman.

Sämitigge vuárdá tääl máttááttâsministeriöst lopâlâš miärádâs pissoo ruttâdem finniimist staatâ budjetist.