Kuávdoo Aanaar markkân, Juvduu riidon já Aanaarjäävri paaldân pajaneijee säämi kulttuurkuávdáá keđgijuálgán muvrájui meetaalpuureeh, mon siste lijjii eres lasseen vuáđukirje (nelji jieškote-uv kielâversio; suomâkielâlâš, aanaarkielâlâš, nuorttâkielâlâš já tavekielâlâš), šlaantah, moh tääl láá kiävtust, Anarist almostuvvee uđđâsumoseh páihálâšaaviseh (Inarilainen, Ávvir, Lapin Kansa já Pohjolan Sanomat) já ärbivuáváliih sämmiliih, Sámi Duodji -pyevtittâsmerháin riäidudum tyejeh.

Siijdâst jotkum juhletilálâšvuođâst juhlesaavâ toolâi ovdâskode staatâvarijváljukode saavâjođetteijee aalmugovdâsteijee Hannes Manninen. Sämitige saavâ toolâi Sämitige saavâjođetteijee Klemetti Näkkäläjärvi, kevttee saavâ toolâi proojeektjovdâ Juha Guttorm já huksiitteijee saavâ toolâi Senaatti-kiddoduvâi hovdâ Jukka Liede. Aanaar kieldâ tiervâttâs puovtij Aanaar váldustiivrâ saavâjođetteijee Teuvo Katajamaa. Tilálâšvuođâ juhlemusikkist västidij Annukka Hirvasvuopio-Laiti.