Aanaar sämikirjerááju tuáimá Aanaar kieldâkirjerááju aldakirjeráájjun, sehe táálu ornijdumij kirjeráájjun. Aanaar sämikirjerááju oovded sämikulttuur já sämikielâi asâttuv Suomâst viärmádâtmáin ubâ Sämikuávloin.

Kirjerááju palvâl sämikuávlu kieldâkirjeráájuid sämikielâlij palvâlusâi oovdedmist já pyevtitmist. Aanaar sämikirjerááju tooimâst lii kuávdášlâš aldasâš oovtâstpargo Laapi eennâmkoddekirjeráájoin já ton ohtâvuođâst tuáimee Suomâ säämi sierânâskirjeráájoin. Ohtâsâš ulmen lii ovdediđ sämikielâi sajattuv Suomâst kirjerájutooimâ vievâst.

Sämikirjerááju lii kuávdáá vuossâmuu keerdist Aanaarjäävri peln, váldu-uuvsâ rievtisbeln. Aanaar sämikirjerááju stuárudâh lii 205 m2. Kirjeráájust porgâv kyehti ulmuu, main nube toimâkuávlu lii ubâ sämikuávlu.

Aanaar kieldâ kirjerájutooimâ ovdâsvástádâsolmooš lii kirjerájutooimâjođetteijee Eija Leivo.

Aanaar sämikirjerááju puhelinnummeer: +358 (405929915)

Aanaar sämikirjerááju kirjerájutipšoo lii Tuija Guttorm.