Sämitige ohtâvuotân lii vuáđuduumin nuorâirääđi. Puáttee rääđi vuáldutoimân lii ovdediđ säminuorâi kielâlâš já kulttuurlâš vuoigâdvuođâid já nanodiđ säminuorâi identiteet nuorâipargo vievâst. Lasseen rääđi šadda valmâštâllâđ taid sämitige iävtuttâsâid, alguid, ciälkkámušâid já eres peleväldimijd, moh kyeskih säminuorâid.

Nuorâirááđán šaddeh väljejuđ vittâ eidusii jeessân sehe sijjân juáhážân persovnliih värijesâneh. Jesâneh kalgeh leđe 18–25 -ihásiih aktiivliih säminuorah. Rääđi jesâneh iä taarbâš leđe tige jesâneh, iäge sii taarbâš aassâđ sämikuávlust. Meiddei sämikielâ ij taarbâš leđe velttidhánnáá sii eenikielâ, mut sämikielâ mättim lii tuáivuttettee. Nuorâirááđán valjiimist šadda valduđ vuotân, ete jesâneh ovdâsteh ubâ sämikuávlu puohâid kielâjuávhuid nuuvt vijđáht ko máhđulâš.

Nuorâirääđi algaprojeekt pargojuávkku ráhtá oovtâst nuorâičällein sämitige stiivrân iävtuttâš jesânijn, kiäh rááđán väljejuvvojeh já lopâlâš valjim taha sämitige cuákkim. Väljejum nuorâirääđi jesâneh väljejeh vittâ äššitobdeejeessân 15–17-ihásijn nuorâin. Taah äššitobdeejesâneh uásálisteh puohháid puáttee nuorâirääđi cuákkimáid. Jis haalijd, te puávtá iävtuttiđ meiddei äššitobdeejesânijd, mutâ iävtuttâš sämitige stiivrân sii valjiimist taha vuosâsajasávt väljejum nuorâirääđi.

Nuorâirááđán hiäivulijd 18–25 -ihásijd aktiivlijd säminuorâid já máhđulávt meiddei äššitobdeejesânin hiäivulijd 15–17 -ihásijd nuorâid puávtá iävtuttiđ nuorâičällee Niina Siltalan. Iävtuttâsâid vuáđustâsâidiskuin kalga vuolgâttiđ vyelni orroo šleđgapostâčujottâsân tâi postâčujottâsân vástuppeeivi juovlâmáánu 17. peeivi tijme 16 räi.

Lasetiäđuid uážžuvetteđ vuáláčällest.

Ustevlâš tiervuođâiguin Niina Siltala, nuorâičällee

Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.

Lehtolantie 1

99870 AANAAR

gsm: 050 382 5179