Kišto lii uáivildun vuosâsajasávt tekstiil- tâi graafisâš vuáváámân uápásmâm ulmuid, mut meid iäráseh pyehtih uásálistiđ rijjâ kiišton. Uáslistee kalga kuittâg tärkkilávt väldiđ vuotân kiišto¬paargon asâttum teknisijd vátámâšâid, ko ulmen lii lasâliijnij olášuttem njuolgist lonestum pargoi vuáđuld.

SÄÄMI KULTTUURKUÁVDÁÁ OOVDÂNPYEHTIM

 Säämi kulttuurkuávdážân, mii huksejuvvoo Aanaar markkânân Juvduu riidon, šaddeh toimâvisteh Sämitiigán, sämikulttuurân kullee maaŋgâpiälásii tooimân sehe säämi máttááttâs- já tutkâmtooimân. Tai lasseen viäsu kuávdášlâš visteh láá maaŋgâtoimâ- já palvâlemsyergi pirrâ čokijdeijee ohtsâšvisteh: lávdástâllâm-, škovlim- já maaŋgâtoimâvisteh sehe raavâdviäsu. Ohtsâšviistij kevttim lii tehálâš uási ubâ kulttuurkuávdáá tooimâ.

Säämi kulttuurkuávdáá válduláigulâžžân tuáimá Sämitigge, mii tastoo laigut viistijd eres kevtteid. Säämi máttáátâskuávdáš lii Sämitige lasseen táálu nubbe váldukevttee. Eres táálu kevtteeh láá Aanaar kieldâ kirjerájutoimâ, Sámi Duodji ry (säämi tuájárij servi), SámiSoster ry (sämmilij sosiaal- já tiervâsvuođâsyergi servi), Laapi kuávluhaldâttâsvirgádâh, Säämi arkkâdâh já raavâdvuäsu. Lasetiäđuid säämi kulttuurkuávdáš Sajos toimâjurdust lii taan kištoreeivâ loopâst sehe kuávdáá päikkisiijđoin, čujottâsâst www.sajos.fi.

VISTEKÁLVU- JÁ TEKSTIILVUÁVÁM TUÁVVÁŠ

 Säämi kulttuurkuávdáá arkkitehtvuáváámist västideijee arkkitehttoimâttâttâh Halo Arkkitehdit Oy lii toohâm kulttuurkuávdáá vistekálvu- já tekstiilvuávám. Tekstiilvuávám vuáđuld säämi kulttuur-kuávdáš Sajos puáttei kevttei ovdâsteijein čuákkejum ohtsâštoimâorgaan lii meridâm orniđ ávus vuávámkišto paaneellasâliijne kovosijn.

Säämi kulttuurkuávdáá toimâttâhvistijd sehe kuávdážân puáttee Säämi máttááttâskuávdáá luokka-vistijd šadda kuulmâkiärdásâš paaneellasâlijneheŋgâstâh. Ohtâ paaneellasâlijne lii luánduvielgâd, asettis suoggâmlágán, já nubbe lii oovtivnásâš jo-uv okra, čuovjâd, ruopsâd tâi ruánáá. Kuálmádin paaneellasâlijnen šadda leđe nk. printtikovvooslâš paaneellasâlijne, mon kovosijd taam kištoost uuccâp.

KOVOS VUÁVÁMNÁÁL

 Paaneellasâliijneh šaddeh leđe kyevti stuárusiih, mitoidis peeleest 600 mm x 2 390 mm já 600 mm x 2 090 mm. Printtilasâlijne kalga leđe čapis-vielgis-čapis -ivnásâš. Vuáđukäägis lii lasâlijnekággá toimâtteijee valjiittuvâi suoggâmlágán, vielgisvuáđusâš printtaamâm heivejeijee käägis.

VUÁVÁMKIŠTO NJUOLGÂDUSAH

1. Printtilasâliijne vuávámkišto uáivilin lii kavnâđ säämi kulttuurkuávdáš Sajos toimâttâh¬vistij já luokkavistij lassáid heŋgâstittee lasâliijnij kovos (nk. printtikovos), mii spejâlist kuávdáá uáivil já luándu.

2. Kišto uárnejeijen tuáimá Sämitigge.

3. Kišto lii áávus puohháid. Kišto palhâšumelävdikode jesâneh iä pyevti uásálistiđ kiišton.

4. Kištoäigi lii 20.2.2011 – 31.3.2011. Kištoiävtuttâsah kalgeh leđe Sämitiggeest digitaallâš vuárkkán 31.3.2011 tme 16.00 räi njuolgâdusâi 6. saajeest mainâšum čujottâsâst. Meriääi-gi maŋa puáttám iävtuttâsah iä valduu vuotân.

5. Äššikirjij macâttem Iävtuttum kovos toimâttuvvoo kišto uárnejeijei poostâ pehti šleđgâlâš vuárkkán CD tâi DVD- skiärust tâi muštosäägist. Vuorkkimpiergâsist uážžuh leđe tuše kyhti tiätuvuárhá, main láá ovdeláá mainâšum kyevti stuárusij paaneellasâliijnij printtimtiätuvuárháh mitto-kaavasi 1:1. Tiätuvuárhái noomâst sehe vuorkkimpiergâsân čaallum kalga leđe iävtuttâs tahhee nommâmerkkâ. Tuhhiittettee vuorkkimhäämih láá .bmp, .tiff, .png já .pdf. Palhâšumelävdikodde árvuštâl iävtuttâsâid printtimtiätuvuárháin printtejum A3 stuárusijn čapisvielgispriintijn. Priintij teknisâš kvaliteet lii árvuštâllâmaggâ, ko valmâš lasâliijnijd lii ulmen olášuttiđ njuolgist printtimtiätuvuárháin.

6. Vuávámpsrgo postâdem Vuorkkimpiergâs mield vuolgâttuvvoo iävtuttâs tahhee nommâ já ohtâvuođâtiäđuh toppum čoođâoinuuhánnáá kirjekooverttâst. Kirjekoovert oolâ merkkejuvvoo iävtuttâs tahhee nom-mâmerkkâ. Vuárháh já toppum kirjekoovert vuolgâttuvvojeh čujottâsân Saamelaiskäräjät, Angelintie 696, 99870 Inari. Kirjekooverttân merkkejuvvoo tubdâldâh “Printtikilpailu”. CD- tâi DVD-vuárhá tâi muštosäägi oolâ merkkejuvvoo kištoiävtuttâs tahhee nommâmerkkâ (ij rievtis nommâ). Siämmáá nommâmeerhâ kalga merkkiđ meiddei toppum koovert oolâ. Pelettesvuođâ turviimân toppum kirjekooverttâst lamaš uásálistee ohtâvuođâtiäđuh liäkkojeh árvustâllâm nuuhâm maŋa ko kišto loppâpuáttus čiälgá. Eresnáál toimâttum iävtuttâsah šaddeh hilguđ. Tuše pápárân sargum hammiittâsah já/tâi iä-teddilemkärvis pyevtittâsah še šaddeh hilguđ, tuše digitaallâš teddilemkärvis amnâstuvah váldojeh árvuštâllâmnáál.

7. Olmooštiäđuh kieđâvuššojeh tuše kišto ohtâvuođâst, iäge toh luovâttuu ovdâskulij.

8. Kiišton puáhtá uásálistiđ enâbáin-uv ko ovttáin iävtuttâssáin, mut jieškote-uv kovvoos printtimamnâstâh kalga leđe sierânâs cd- tâi dvd-vuárhást tâi muštosäägist, veikkâ toh vuolgâttuuččii-uv oovtâ kirjekooverttâst.

9. Kovosân asâttum vátámâšah

a. Kovvoos puáhtá rähtiđ sárgusist, čuovâkooveest tâi mast peri. Kovos puáhtá leđe kiärdoo tâi ohtâlâs, ko peri lopâliih pyevtittâsah láá adelum lasâlijnemitoi stuárusiih.

b. Kovvoos vuávámkištoin occoo säämi kulttuurkuávdáá luándun suáppee kovvoos, mii čáittá kulttuurkuávdáá - kulttuurlâš uáivil já merhâšume, - säämi jiešnálásâšvuođâ, - sämikuávlu luándu - tooimâ várás läjidum imago (sämmilâš, ärbivuovvijd vuáđuduvvee, aktiivlâš, puát-teevuotân keččee já siärvuslâš. Ohtsii nomâtteijen lii “luándulâš já ellee sämi¬kult-tuur”).

c. Kovvoos symboliikka ij taarbâš agâstâllâđ, mut ton uážžu porgâđ, jis vuávájeijee nuuvt haalijd. Agâstâllâm ij kuittâg vaikut lävdikode lopâlii miärádâstohâmân.

d. Vuávájeijee kalga vuáváđ oovtâ (1) kovvoos, mast šleđgâlâš vuárhást láá kyehti printtimtiätuvuárhá nuuvt, et nubbe kalga heiviđ 600 mm x 2090 mm já nubbe 600 mm x 2390 mm alosáid paaneellasâlijnijd.

10. Palhâšumelävdikodde

a. Kišto palhâšumelävdikodden tuáimá já ton puáttus čuávdá Sajos koskâpuddâsâš ohtsâštoimâorgaan, mast láá ovdâstum puoh Sajos fastâ kevtteeorganisaatioi ovdâsteijeeh tievâsmittum Halo Arkkitehdit Oy ovdâsteijein. Ohtsâštoimâorgaan jesâneh láá: Liisa Holmberg, Aune Musta, Erkki Sirniö, Vuokko Joki, Rauna Rahko, Ristenrauna Magga, Kari Torikka já Jouko Lappalainen.

b. Palhâšumelävdikode čällen toimâv proojeekthovdâ Juha Guttorm já proojeektvuá-vájeijee Marja Männistö.

c. Palhâšumelävdikodde puáhtá pargostis kevttiđ táárbumield äššitobdeid.

11. Árvuštâllâm Kištoiävtuttâsah arvuštâlluvvojeh nomâttemmin. Palhâšumelävdikodde väljee kyehti (2) kovosân asâttum vátámâšâid pyeremustáá tevdee kovosiävtuttâs lonestemnáál. Palhâšu-melävdikoddeest lii vuoigâdvuotâ hilgođ puoh iävtuttâsâid tâi lonestiđ tuše oovtâ pargo.

12. Palhâšumeh Iävtuttâsâi lonestemsumme lii 500 eurod/pargo.

13. Kišto uárnejeijee uážžu puoh vuoigâdvuođâid lonestum iävtuttâssáid. Uárnejeijest lii še vuoigâdvuotâ rievdâdiđ iävtuttâs vuávájeijee luuvijn tâi leđe kevtihánnáá kovvoos.

14. Kišto kyeskee máhđulijd koččâmâššáid västid säämi kulttuurkuávdášhaavâ proojeektvuá-vájeijee Marja Männistö, puh. 050- 3641 378 já šleđgâpostâ Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. .

Lahtoseh: Säämi kulttuurkuávdáá tekstiilvuávámhammiittâsah

SÄÄMI KULTTUURKUÁVDÁÁ OOVDÂNPYEHTIM

Säämi kulttuurkuávdáá uáivilin lii lääččiđ sämmiláid pyerebijd iävtuid jiešiävtulávt paijeentoollâđ já ovdediđ kielâs, kulttuurâs já iäláttâstooimâs, tipšođ já ovdediđ kulttuurjiešhaldâšemes sehe tuárjuđ sämmilij almolii eellimtile ovdánem. Lasseen kuávdáá uáivilin lii pyeridiđ máhđulâšvuo¬đâid levâttiđ já uážžuđ tiäđu sämmilijn algâaalmugin.

Säämi kulttuurkuávdáš on vuosâsajasávt uáivildun sämmilij jieijâs kiävtu várás. Tast lii meeri šoddâđ Suomâ sämmilij jiešhaldâšem sehe ellee já ovdáneijee sämikulttuur symbool, mon kuáv¬dášlâš toimâlâš uáivilin lii sehe aitârdiđ ärbivuáválii kulttuur et ovdediđ já uđâsmittiđ säämi ohtsâškodde-eellim.

Čielgejum váldu-ulmees lasseen kulttuurkuávdáš fáálá vijđes, uđđâáigásij já ollâtásásij ohtsâš-kevttimviistij (čuákkim-, auditorio-, maaŋgâtoimâ- já lávdástâllâmsoojijd sehe studiosoojijd) áán¬sust eromâš máhđulâšvuođâid orniđ áinoošlajâsâš pirrâsist maaŋgmuđušijd čuákkimijdt, konfe¬reensâid já tábáhtusâid.

Nuuvtpa Säämi kulttuurkuávdáš lii siämmáá-áigásávt sehe Suomâ sämmilij parlamenttáálu et kulttuur-, škovlim- já mättimkuávdáš já meid tábáhtustáálu sierâlágánij čuákkimijdiskuin, muusik-, elleekove- já teatterčáittusijdiskuin. Pald-paldluvâi tah uásitooimah tuárjuh nubijdis siskáldâsâi-diskuin já vistijdiskuin.

Kulttuurkuávdáá huksit já oomâst Seenaat-kiddoduvah já ton bruttovijđodâh lii suullân 4 800 m². Huksimhaavâ budjet lii suullân 12 miljovn eurod, mast EU-ruttâdem uási lii 5 miljovn eurod. Kulttuurkuávdáá meeri lii valmâštuđ ive 2012 aalgâ räi.