Sämmilij artistij muusik- já eres kulttuurčájáttâsah heivejeh eromâšávt kongresij teikâ škovlimtilálâšvuođâi tiervâpuáttimohjelmin, váldujuuhlij ohjelmnumerin teikâ oles konsertin. Saijoos Čuákkim- já tábáhtuspalvâlusah uárnee tii juávhu sämmilâš kulttuurohjem. 

Oovdânpyehtip taa sämmilijd taidârijd, kiäh láá väridemnáál tilálâšvuođáid.  

1. Annukka Hirvasvuopio-Laiti (Hirvas-Niillasa Heaikka Annukka)

lii sämmilâš musijkkár já Tampere ollâopâttuvvâst valmâštum muusiktotkee/etnomusikologi (FM). Annukka Hirvasvuopio-Laiti lii meddâl Vuáču kuávlust já áásá tääl perruinis Ucjuuvâst. Annukka lii sämmilâš etno/maailmmuusiik čájáttâllee Vilddas-juávhu lávloo. Sun lii čájáttâllâm puohlágán muusik, klassiklâš musikkist heavymuusikân, mutâ suu aldemuu muusikšlaajân sun noomât aalmugmuusikân vuáđusteijee muusik já lávlumstiijlah. Tavesämmilâš ärbivyehimuusik, juáigus, lii alda suu vááimu. Annukka lii porgâm lávlum paaldâst el. muusikmáttáátteijen, luvâldâllen, čájáttâllen já Sämitige Säämi muusikkuávdáá proojeetvästideijen. Annukka Hirvasvuopio-Laiti tuálá meid luvâldâlmijd sämmilâš musikkist já kulttuurist suomâkielân, tavesämikielân já eŋgâlâskielân.  

2. Ánnámáret Ensemble

Ollâtásásâš já uđđâáigásâš sämimuusik. Akustilâš čuákánpiejâmist čyeijih haidar, busuk, kontrabasso, piano ja klarinet já lávlon lii aanaarlâš Anna Näkkäläjärvi. Ohjelm pistá viiđâ minutist tiijmán, tilálâšvuođâ luándu meerrid ohjelm kukkoduv. Anna Näkkäläjärvi lii almostittâm kiđđuv 2011 cd-skiäru, mon nommâ lii "Bealljecinat/Earrings".

3. Kristiina (Tiina) Aikio

Kristiina Aikio lii vuáčulâš sämiartist. Kristiina lii lávlum 25 ihheed, main juáigus 8 ihheed.  Tiina Aikio lii almostittâm maaŋgâid skiärruid, el. Ále Mana já Sapmi Vaimmus. Tiina Aikio láávdást Sajosist oovtâst suu čuojâldittein teikâ stuárráábijn juávhuin sopâmuš mield. 

4. Tuupa Records Oy - sämikielâlâš muusik love ive hárjánmáin

Tuupa Records Oy lii ubâ Suomâst tuáimee maaŋgâpiälásâš AV-syergi irâttâs. Tuupa Records fáálá áámmáttáiđulâš já ollâtásásâš palvâlem nuuvt paddim- ko videopyevtittembeln. Sij suunnâttâleh já olášutteh ovdâmerkkân:* Paddim- já miksempalvâlus,* Tábáhtustekniik,* Live-jienâtävistempalvâlusah,* Oovdânpyehtimvideoh / pyevtittâsoovdânpyehtimeh,* TV-já radiomáinuseh, * Muusikvideoh já * Formaatij muttim.

Tuupa Records Oy ivnáás ohjelmtoimâttâhân kuleh fiijnâ artisteh já taaidâreh.Tuupa haalijd ovdediđ já tuárjuđ sämikielâ já kulttuur, tondiet sij pyevtitteh já almostitteh iänááš sämikielâlâš muusik, mutâ spiekâstuvah tiäđust-uv láá! Sämmiliih artisteh:

* Niillas Holmberg já Roope Mäenpää ( tavesämikielâlâš folk-muusik)

* SomBy (sämikielâlâš rock-muusik čuojâtteijee juávkku)

* Ailu Valle (Ucjuv Kaamâsmohheest meddâl; räp-artist, kote ráppá tavesämikielân)

* Ulda (tavesämikielâlâš juáigusetno!)

* Vilddas (kuhes karrieer ráhtám etno-juávkku)

* Los Selibatos (juávkku nuhtán kompromissijd)

* Amoc (sämmilii räp-muusik eeči)

* Tiina Sanila Band (nuorttâlâš rock-muusik)

* Irdon (akustilâš muusik tavesämikielân)

* Spire (sämikielâlâš pop-rock-muusik)

* DJ palvâlusah el.Dj Stuorraguoika

Ohtâvuođâtiäđuh: Jussi Isokoski, toimâttâsjođetteijee-pyevtitteijee, Tuupa Records Oy, Gsm: 040 846 5844 Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. , www.tuuparecords.fi  

5. Joikukotsamo 

Sämmilâš puásuituálupeerâ Armi já Timo Palonoja Joikukotsamost Suáluičielgist uárnee maaŋgâpiälásijd kulttuur- já luánduohjelmijd mađhâšeijeid. Finnimnáál el. rummuttemreeisuid Joikun Kotast já puásuisafarijd Suáluičielgi enâduvvâin. Ohjelm já purâdempalvâlusâid finnimnáál meid stuorrâ juávhoid. 

6. Heli Aikio já Heikki Nikula

Sajosân puáhtá tiiláđ lávdástiđ meid anarâš Heli Aikio, kote lávlá anarâškielâlijd lávluid já LIVĐE. Heli čuojâlditten tuáimâ el. meid anarâš Heikki Nikula. Heikki Nikula čuojâldit meid eres sämiartistijd.  

Kulttuurpyevtitteijee

Jis halijdah leđe fáárust Saijoos Kulttuurohjelmpaaŋkist, vääldi ohtâvuođâ Sajosân,  Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. teikâ
suáiti numerân 010 839 3109. Teikâ teevdi kulttuurpyevtitteeijeeluámáttuv.