Säämi tyejiäärbi luánduriggoduvváid lohtâseijee ärbivuávlii tiäđu turviimân addel Meccihaldâttâs almolii, nuuvtá vuoigâdvuođâ väldiđ staatâ enâmijn tyejiamnâsin ucessiähá meerijd poijuu, leeibi, suávi já suve. Meid ucessiähá meerijd viäddáid, kamuvsuoinijd, hajâsuoinijd já puurrâmraasijd puáhtá väldiđ nuuvtá. Almolâš väldimvuoigâdvuotâ ij kuoskâ aalmug- tâi luándumeeccijd, ige amnâsin tábáhtuvvee uđđâsistvyebdim tâi nuubán sirdem lah loválâš.

Rááđhá väldimân mieđettuvvojeh sierânâs, nuuvtá loveh já paahij väldimân sierânâs, mäksimnáál loveh.

Tággáár linjim lii toohum sämitiggijn toollum ráđádâlmij puátusin. Linjim vuáđuduvá biodiversiteetsopâmuš 8 j artiklan, mii kenigit staatâid suojâliđ algâaalmugij ärbivuáválii tiäđu já Meccihaldâttâslaavâ 4 §:n, mii kenigit Meccihaldâttâsta turviđ sämikulttuur hárjuttem iävtuid. Linjim lii nanodâm váldujođetteijee Jyrki Kangas 20.1.2011.

Rááđhái väldimloveh mieđettuvvojeh jyehi sajan staatâ enâmáid, eereeb muorâstuvâi já motomij sierâ káártán räijejum kuávloid.

Raavâ váldoo sämikuávlust kiävtun tállán.

Lasetiäđuh: Saavâjođetteijee Klemetti Näkkäläjärvi