Säminuorâi taaidâtábáhtus uárnejuvvoo taan ive Ucjuvnjäälmi škoovlâst njuhčâmáánu majemuu peeivi. Tábáhtusân láá almottâttâm ohtsis suullân 330 párnážid já nuorrâd pirrâ sämikuávlu. Tanssâjuávhuh láá almottâttâm 13, main láá ohtsis 99 tánssájeijeid. Lasseen tábáhtusân láá vyerdimist keččeeh, et uásálistei meeri pajanâš taan-uv ive masa neeljičuátán.

Tábáhtus válduteeman lii väldikodálâš Nuorâ Kulttuur-teema miäldásávt tanssâ. Tanssâšlaajân láá Nuorâ Kulttuur -njuolgâdusâi miäldásvát tááláštanssâ, kátutaansah (show, street, break yet), etnisiih taansah, baaleet tâi jazz-/showtanssâ. Säminuorâi taaidâtábáhtusâst uáinip tááláštaansâ, kátutaansâ já etnisijd taansâid.

Lasseen Ucjuv tábáhtusâst uárnejuvvojeh sierâlágáneh pargopáájáh. Pargopáájái fáddán láá kreatiivlâš puđâldem, silbâtyejeh, kovekieđâvuššâm, muusik ja sämimááccuh.

Taaidâtábáhtus álgá pargopáájáiguin jo oovce ääigi, mut eidusâš tanssâohjelm álgá tijme 12 Uc-juvnjäälmi škoovlâ juhlesalist. Tanssâjuávhuin vuálgá ohtâ ovdâstiđ säminuorâid väldikodálii Nuorâ kulttuur MOVES-tábáhtusân, mii uárnejuvvoo 20. – 22. vyesimáánu Oulust. Tuámárin toimâv čaittâleijee Ebba Joks Taažâ Tiänust já musijkkár Tiina Sanila-Aikio Čevetjäävrist. Lasetiäđuh: Niina Siltala, puh. 010-839 3134.

Tuáivuttep puohâid tiervâpuáttám Säminuorâi taaidâtábáhtusan tuorâstuv 31.3.2011!