| Bohccostallit –juįvkku Avelist oovdāst säminuorāid Oulust |
|
|
|
Avveel vyeliškoovlâ Bohccostallit –tanssâjuávkku vuálgá ovdâstiđ säminuorâid väldikodálii MOVES -tanssâtábáhtusân, mii uárnejuvvoo 20. – 22. vyesimáánu Oulust. Juávhu stivrejeijee, máttáátteijee Bigga-Helena Magga muštâlij, et sun finnij idea taansân jakutialii Sykkys –tanssâjuávhust, mii lávdástâlâi Anarist Ijâttis ijjâ –muusiktábáhtusâst porgemáánust 2010.
Säminuorâi taaidâtábáhtus čokkij njuhčâmáánu majemuu peeivi Ucjuv kirkkosiijdâ škoovlân paijeel 350 párná˛id já nuorrâd stivrejeijeidiskuin sämikuávlu škoovlâin. Ucjuvlâš Titta Rasmus, kote jođettij tábáhtus aanaarlâš Mikke Näkkäläjärvijn, algâttij Säämi suuvâ lavluu moos keččeeh uásálistii. Ucjuv kieskâd väljejum kieldâhovdâ Matti Korkala puovtij tilálâšvuotân kieldâ tiervâttâs. Tanssâčáittuseh pessii joton ko páihálij nuorâi bändi Moivvas lâi suáittám.
Tábáhtus válduteeman lâi väldikodálii Nuorâ Kulttuur –tábáhtus miäldásávt tanssâ. Ucjuuhân al-mottettii 13 juávkkud sehe ohtâ soolotánssájeijee, já ohtsis läävdi alne tánssájii aldasáid čyeti nuorrâd. Šlaajâin pivnohumos lâi tááláštanssâ, mon lasseen lijji kátutaansah sehe etnisiih taansah. Tanssâkavalkaad ruámárin toimii Tiina Sanila-Aikio Anarist, Solgryn Bär Tiänust sekä Anna Näkkäläjärvi Ucjuuvâst.
Taaidâtábáhtus lâi uáli pyereest luhostum. Tot lii siäiluttâm sajattuvâs sämipárnái já –nuorâi sehe sii máttáátteijei tehálⲲân teivâdensaijeen. Lasseen tot fáálá máhđulâšvuođâ pyehtiđ uáinusân škoovlâi mättim já kulttuurpuđâldâs. Puáttee ive lii väldikodálâš teeman muusik, já juurdân lii orniđ Säminuorâi taaidâtábáhtus stuárráábin ko kuássin uđđâ kulttuurkuávdáást Sajosist. Koveh: Hannu Kangasniemi
|
|
| Viimeksi päivitetty ( 05.04.2011 ) |
Sämitigge juovij stipendijd tanssâpuđâldâs juátkim movtijditmân. Stipendijd o˛˛uu Kärigâsnjaargâ Sápmi salmiak –juávkku sehe 8-ihásâš soolotánssájeijee Biret-Inga Pieski, Iänuduv luvâttuv Oarjánnieiddat, Vuáču škoovlâ Vuohču Ritmajoavkku, Avveel luvâttuv juávkku Villasat sehe Avveel vyeliškoovlâ juávkku Bohccostallit. Mainâšum juávhui lasseen kavalkadist lávdástellii Muzehat já The Kids Kärigâsnjaargâst, Geishat, Nauhattaret já Systema Ucjuuvâst sehe Skä´mm Čevetjäävrist. Vaidâlittee, et Njuárgám kyehti juávhu Njuorggán sehe Áron ja Juuso iä puáhtámgin lávdástâllâđ, veikkâ lijjii almottâttâm.
Tanssâkavalkaad lasseen uárnejuvvojii Ucjuuvâst peeivi miätá jieškote-uvlágáneh pargopáájáh, moi orniimist västidij Sämitige haldâšem já Anne Kirste Aikio jodettem Johtti Nuorra –proojeekt. Arttân llijjii kreatiivlâš puđâldem, silbâtyejeh, kovekieđâvuššâm, sämimáccuhân kárvudâttâm, bändisuáittu sehe rap-muusik. Movtigumoseh kuhesmáđháliih ijâstellii Ucjuv škoovlâst vâi peessih uásálistiđ pargopáájáid tállán iđedist ovdil tanssâkišto algâttem. Pargopáájáid liččii lamaš haluliih eenâb ko äigi já sajeh adelii piärán. Pivnohumos páájáin lâi silbâtyejipáájá.
