Ávus lasâliijnij kovvoos vuávámkištoin uccui säämi kulttuurkuávdáš Sajosân ollâtásásâš já mučis, táálu vuoiŋân já tilán suáppee uuniik paaneellasâlijnekovos (printtikovos), mii lááčá táálu vistijd jiešnálásâšvuođâ já tubdâttetteevuođâ. Lasâlijnekovos tâi -kovoseh kalgeh meiddei kuvviđ Sajos uáivil, ton tooimâ luándu já sämmilâš jiešnálásâšvuođâ. Lasâliijneh tarbâšuvvojeh iänááš toimâttâhvistij laasâin.

Vuávámkišto olášittui kuovâ-njuhčâmáánust 2011 já kiišton kuáđđojii ohtsis 31 iävtuttâssâd, main palhâšumelävdikodden toimâm Sajos kevtteeorganisaatioin čuákkejum ohtsâštoimâorgaan oovtâst arkkitehttoimâttuv ovdâsteijein tuhhiittij árvuštâllâmnáál 30 iävtuttâssâd. Lävdikodde hilgoi oovtâ (1) kištoiävtuttâs, ko tot lâi toimâttum lävdikoodán kišto njuolgâdusâi vuástásávt.

Huolâlii já tärhis árvuštâllâm puátusin meridij palhâšumelävdikodde oovtmielâlávt kulluuttiđ nommâmeerhâid “Eloa ikkunassa” já “Riskuna” vuávámkišto vyeitten já lonestiđ täid pargoid njuolgâdusâi miäldásávt á 500 eurod. Kišto njuolgâdusâi mield palhâšumelävdikodde puovtij valjiđ kyehti (2) kovosân asâttum vátámâšâid pyeremustáá tevdee iävtuttâs lonestemnáál. Tast lâi meid njuolgâdusâi mield vuoigâdvuotâ hilgođ puoh iävtuttâsâid tâi lonestiđ tuše oovtâ pargo.

Palhâšumelävdikodde meridij siämmást avžuuttiđ, et kovosiävtuttâs “Eloa ikkunassa” kevttuuččij Sajos 1. keerdi laasâin já iävtuttâs “Riskuna” 2. já 3. keerdi laasâin.

TIÄĐÁTTÂS