Juávhu stivrejeijeeh, mattáátteijeeh Bigga-Helena Magga já Rauna Mätäsaho láin ilolávt oláttum jieijâs juávhu miänástume keežild. Taansâ juurdâ vuolgij jakutialii Sykkys –tanssâjuávhu čáittusist Ijâttis Ijjâ –tábáhtusâst Anarist 2010.

Oulu tábáhtusân uásálistij meid Avveel luvâttuv Villasat -juávkku tanssáin Doaivut ja vuoimmehuvvat (Tuáivuđ já navcâttuđ). Juávhu vittâ nieidâ lijjii jieijah ráhtám koreografia tanssâ- ja draamamáttáátteijee Teija Sonkkila iššijn, kote tooimâi še juávhu stivrejeijen. Taansâ juurdâ vuáđuduvá elleekován Kuovdâkiäinu stuime, mast meiddei čáittus tyehin čuoijâm Mari Boinen muusil lâi luoihâttum. Nieidâi máttáátteijee Marjaana Aikio lâi kuárrum fiijnâ já ivnáás lávdástâllâmkaarvuid.

Pááikán vyelgimin

Sunna Nousuniemi, Inga-Saara Magga, Rauna Mätäsaho, Nette Pulkkinen, Bigga-Helena Magga, Maria Saijets, Gabriela Satokangas já Ellenoora Haataja;

Sandra Salminen, Jan-Kristian Magga, Vilho-Simon Mäkinen, Lassi-Olavi Mäkinen, Ida Grönmo já Fasku-Oskal Magga.

Kooveest váiluh luvâttuv uáppee Anne Olli sehe stivrejeijeeh Marjaana Aikio já Teija Sonkkila. Čuovâkove: Anni Näkkäläjärvi.