Škovlim já oppâmateriaallävdikodde |
![]() |
![]() |
Škovlim já oppâmateriaallävdikodde lii sämitige škovlimpoolitlâš iävtuttâsâi, algui, ciälkkámušâi já peleväldimij valmâštellee já sämikielâlâš oppâmateriaal vuáváámist, vaalmâštmist já jyehimist västideijee orgaan.
Lävdikode pargon lii ovdediđ sämiuáppei vuoigâdvuođâid jieijâs kielâ já jieijâskielâlâš máttááttâsân sehe sämimáttááttâs sajaduv Suomâ škovlâvuáháduvâst. Tot parga sämimáttááttâsân lohtâseijee kuávlulâš, aalmuglâš já tave-eennâmlâš ohtsâšpargo. Lävdikodde meerrid staatâ budjetist (váldu¬luokka 29, máttááttâsministeriö) sämikielâlâš oppâmateriaal já sämimáttááttâs oovdedmân čujottum staatâtorjuu kevttimist. Tot valmâštâl sämitige čuákkimân oppâmateriaalpyevtittâs ihásâš já kuhheeb aigipaje vuáváámijd já addel ihásávt sämitige čuákkimân já máttááttâshaldâttâsân čielgiittâs oppâmateriaaltilálâšvuođâst já staatâtorjuu kevttimist.
Lävdikodde västid lasseen Säminuorâi taaidâtábáhtusâst (Sámenuoraid dáiddadáhpáhus). Tot lii párnái já nuorâi taaidâ- já kulttuurkavalgaad, mii uárnejuvvoo ihásávt ohtsâšpargoin sämikuávlu kieldâiguin já sämiservijguin.
Lävdikode kieđâvuššâm aašijd valmâštâl já olášuttá škovlim- já oppâmateriaaltoimâttâh. Lävdikode oovdânpyehten tuáimih škovlimčällee (škovlimpoolitlâš ääših), oppâmateriaalčällee (oppâmateriaalääših) já oppâmateriaalvuávájeijee (Säminuorâi taaidâtábáhtus).
Škovlim já oppâmateriaallävdikoodán kuleh iivijn 2008-2011 tah jesâneh já värijesâneh:
Jesâneh: Yrjö Musta, sj. Rauni Äärelä, vsj. Inker-Ánne Magga Asla Järvensivu Aslak Holmberg Seija Sivertsen Liisa Holmberg
Värijesâneh: Teija Linnanmäki Anna-Liisa Väyrynen Maarit Magga Kati Eriksen Pirjo Länsman-Kiimalainen Terhi Harju Outi Länsman |
|
Viimeksi päivitetty ( 01.10.2014 ) |