| Ijâttis iijâst kuullâp taan ive čuudâlavluu Tuvast |
|
|
|
Ijâttis ijjâ – algâaalmugij muusiktábáhtusâst Anarist kuullâp taan keesi Tuva čepimussáid čuudâlávloid kullee Igor Koshkendei. Koshkendei lii aalmugijkoskâsávt tobdos já sun lii jieijâs päikkienâmist Tuvast uážžum uáli ollâ khoomeyzi-arvunoomâ. Sun haaldâš puoh khoomei-stiijlâid já lii vuáittám Koskâ-Aasia Grand Prix III –kišto.
Ive 2011 teeman Eatnama jienat – Eennâm jienah
Ijâttis ijjâ – algâaalmugij muusiktábáhtus uárnejuvvoo Aanaar markkânist káávcád keerdi 19.–21.8.2010. Festivaal lii vuáháiduttám sajattuvâs tehálumosin sämimuusig oovdânpyehtee tábáhtussân Suomâst. Festivaal teeman lii taan ive Eatnama jienat – Eennâm jienah, mii juátká Ijâttis ijjâ tábáhtus algâaalmugteema. Teema spejâlist algâaalmugij eromâš ohtâvuođâ enâmân já tom, maht sii muusig paijaan pirâstittee luándust.
Ijâttis ijjâ –tábáhtus uárnejeh oovtâstpargoost Anára Sámisearvi, Sämitigge, Säämi máttááttâskuávdáš, Sämimuseo Sijdâ, Aanaar kieldâ, Säämi párnáikulttuurkuávdáš já Giellagas-instituut.
Lasetiäđuh festivaaljođetteijee Anna Näkkäläjärvist, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. , puh. +358108393148 já tábáhtus viärmádâhsiijđoin čujottâsâst www.ijahisidja.fi. |
|
| Viimeksi päivitetty ( 22.08.2011 ) |
– Tuvalâš čuudâlavluu eromâš lávlumvyehi lii luptim mailmist stuorrâ mielâkiddiivâšvuođâ, mast lávloo áppád pyevtittiđ maŋgâ čyeijee jienâ siämmáá áigásávt. Maadâ-Siperia Tuva, mast Ijâttis iijâst lávdástellee Igor Koshkendei lii vuálgus, lii čuudâlavluu kuávdášlâš kuávlu, muštâl Ijâttis iijâ aalmugijkoskâsij aašij koordinaattor Marina Falevitch Säämi máttááttâskuávdáást.
Ijâttis iijâ váldutábáhtus lii Ijâttis ijjâ! –konsert, mii uárnejuvvoo lávurduv 20.8. Tast kuullâp Igor Koshkendei lasseen säämi jienâčeepi Wimme Saari, sämikielâlâš räppäjeijee SlinCraze Maasist, SomBy, Niillas Holmberg, aanaarlâš The Slap já ärbivuáválijd jyeigeid ohtsâštave-eennâmlii Jyeigei seervist sehe ennuv eres sämimuusik.