SáFá – ovdâčielgiittâshaahâ ohtsâštave-eennâmlii sämikielâ tutkâm- já áámmát/reesuurskuávdáá vuáđđudmân

Säämi parlamentaarlâš rääđi avžuuttâsâst pieijii Suomâ, Taažâ já Ruotâ sämitigeh joton ive 2011 aalgâst Interreg -ruttâdlâš SáFá -ovdâčielgiittâshaavâ ohtsâštave-eennâmlii sämikielâ tutkâm- já áámmát/reesuurskuávdáá vuáđđudmân.

Tyehin lii sämikielâi ovdánem já kirjálii kevttim lasanâm, mii lii lasettâm kielâ huolâttâs, ovdedem, tutkâm sehâ normâdempargo táárbu puohâin sämikielâin. Ohtsâš säämi kielâkuávdáš, moos tágáreh palvâlusah čuákkejuuččii, išedičij tiäđu kavnâmist. Lasseen kuávdáš nanodičij sämikielâi koskâsii viestâdem já oovtâstpargo. Kuávdáá pargoh liččii el. tutkâm, kielâhuolâttâs, kielâovdedem, terminologiapargo, normâdem, nommâčuágáldâpalvâlus, päikkinoomah já tieđettemtoimâ säämi kielâáámmátlijn koččâmâšâin.

 Hahâäigi lii 6 mánuppaje já haavâ meriáigásâžžân proojeekthovdân pálkkááttui hum.kand. Hanna Mattila 28.3.2011 rääjist. SáFá ovdâčielgiittâshaavâ uáivilin lii čielgiđ kielâkuávdáá vuáđudem- já ruttâdemiävtuid. Ulmen lii rähtiđ čielgiittâs ohtsâštave-eennâmlii sämikielâ tutkâm- já áámmát/reesuurskuávdáá vuáđđudmân já rähtiđ Interreg -jotkâruttâdemucâmuš kuávdáá keččâlemhaavâ várás. Ovdâčielgiittâshaavâ olesbudjet lii 45 385 € já válduruttâdeijeeh láá Interreg IV A Pohjoinen, Troms fylkeskommune, Länsstyrelsen Norrbotten já Taažâ sämitigge.

Interreg IV A Pohjoinen lii EU-ohjelm, mii tuárju raajijd rastaldittee oovtâstpargo ohjelmpaajeest 2007–2013. Ohjelm ulmen lii väldikode raajijd rastaldittee oovtâstpargo pehti tuárjuđ ekonomâlâš já sosiaallâš ovdánem sehe nanodiđ kištodemnaavcâ já oohtânkulluuvâšvuođâ ohjelmkuávlust. Ohjelm tuálá siste Tave-Ruotâ, Tave-Suomâ já Tave-Taažâ sehe sämikuávluid. Ohjelm ruttâd raajijd rastaldittee haavâid neelji jieškote-uv prioriteetkuávlust, main SáFá -ovdâčielgiittâshaahâ kulá uásiohjelmân 4. Räjittis ovdánem – Säämi. Interreg IV A Pohjoinen ohjelm haldâttâsvirgeomâhâžžân taan ohjelmpaajeest tuáimá Norrbotten läänihaldâttâs.

Lasetiäđuh:

SáFá -ovdâčielgiittâshaavâ má. proojeekthovdâ Hanna Mattila Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.

vs. kielâašijčällee Outi Paadar Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.

SáFá -förstudieprojekt