Kollekielâ – Tave-eennâmlâš sämikielâ kielâpalhâšume Tave-eennâmlâš sämikielâ kielâpalhâšume ulmen lii išediđ sämikielâ ovdedem já siäilum Taažâst, Ruotâst, Suomâst já Ruošâst.

 Palhâšume láá vuáđudâm sämiaašijn Taažâst, Ruotâst já Suomâst västideijee ministereh, já tai enâmij sämitigij saavâjođetteijeeh. Palhâšume juohhui vuossâmuu keerdi ive 2004 já tot juáhhoo jyehi nube ive. Palhâšume stuárudâh lii 12 500 eurod.

Kielipalhâšume mieđettuvvoo ovtâskâsulmuit tâi siärvádâhân, kiäh láá porgâm ansulávt toimâmáin merhâšittee vuovvijn sämikielâ oovdedmân já siäilumân. Palhâšume puáhtá mieđettiđ ovdâmerkkân kirjálijn, njálmálijn tâi eres áánsuin, moh sajaduveh uáli vijđáht jieškote-uv toimâsuorgijd.

Njuolgâdusah

 Kollekielâ 2010

 Kollekielâ – tave-eennâmlâš sämikielâ kielâpalhâšume juohhui niäljád keerdi 22. skammâmáánu 2010 sämiaašijn västideijee ministerij já sämitigij saavâjođetteijei ohtsâšškovliittâsâst Tukholmast.

Palhâšume uážžoin taažâ, tavesämikielâ máttáátteijee já oppâkirjij rähtee Marét Sárá já Taažâst ässee ruátálâš, maadâsämikielâ máttáátteijee já oppâkirjij rähtee Lajla Mattson Magga.

http://www.om.fi/Etusivu/Ajankohtaista/Pohjoismainensaamenkielipalkinto