| Sämikielâi iäláskittemohjelm kulá sämitige vaaljâpaje tehálumosáid ulmijd |
|
|
|
Sämikielâi iäláskittemohjelm rähtim lii sämitige taan vaaljâpaje ohtâ tehálumosijn uulmijn, pahudij sämitige saavâjođetteijee Klemetti Näkkäläjärvi sämikielâ já maorikielâ iäláskittem kieđâvuššee seminaarist Helsigist. - Lam iiloost, et iäláskittemohjelm rähtim ovdán, páhudij Näkkäläjärvi já kijttâlij meid tast, et staatârääđi lii čonâsâm haldâttâsohjelmist sämikielâi iäláskittemohjelm olášutmân já resurssistmân.
Haldâttâsohjelm maŋa lii čielgâm et nuuvt Suomâ ko ubâ Euroop-uv ekonomiatile lii hiäjusmuumin ovdiist. Näkkäläjärvi mielâst ekonomiakriisâ ij uážu hiäjusmittiđ puoh hiäjumus sajattuvâst orroo, Euroop áinoo algâaalmug ađai sämmilij, sajattuv vala ovdiist. - Suomâ kalga tevdiđ aalmugijkoskâsijd já haldâttâsohjelmân kirjejum kenigâsvuođâidis säämi aalmug já sämikielâ kuáttá.
Luuvâ saavâjođetteijee Klemetti Näkkäläjärvi lehâstemsahâvuáru sämikielâ já maorikielâ iäláskittemseminaarist Helsigist 13.09 ollásávt täst. |
|
| Viimeksi päivitetty ( 14.09.2011 ) |