Säämi parlamentaarlâš rääđi finnim tiäđui vuáđuld lii Avveel palgâs uáivilin algâttiđ vuossaargâ 26.9.2011 pággunjuovâmijd. Jis njuovâmeh olášuveh, te toh lopâttiččii Njeellim sämmilij puásuituállei puásui-iäláttâs já perrui válduášálii áigápuáđu, tuššâdiččii puásuituállei já sii perrui masa ubâ puásuisiijdâ já lopâttičij Njeellim anarâš puásuituálu ollásávt. Anarâškielâ já kulttuur láá tuođâlávt aštum. Jis pággunjuovâmeh tahhojeh, te puátusin puáhtá leđe njeellimlij puásuituáluperrui meddâlvarrim kuávlust.

Säämi Parlamentaarlâš Rääđi uáiná, et pággunjuovâmeh lopâtteh Njeellim puásuituállei já sii perrui máhđulâšvuođâ hárjuttiđ säämi kulttuur. Rääđi uáiná, et pággunjuovâmeh láá tuođâlávt ruossâlâs OA olmoošvuoigâdvuođâi já poolitlâš vuoigâdvuođâi kyeskee sopâmuš 27. artiklain. Siämmáánáál pággunjuovâmeh láá ruossâlâs Suomâ vuáđulaavâ omâduv syeje miäruštellee 15 §:jn. Säämi Parlamentaarlâš Rääđi uáiná, et pággunjuovâmeh láá čielgâ čááitus tast, maht Suomâ puásuituálulaahâ ij vääldi vuotân säämi puásuituálu sierânâsjiešvuođâid, mast poccuid tipšoh siijdâimield tâi čaggekudijmield ucebijn ohtâduvâin ko tááláá laavâ miäruštâllâm paalgâs. Siijdâi luándutileh pyehtih spiekâstiđ nuuvt čuuvtij nubijnis, et koskâmiärásâš njuovvâmprooseent puohháid palgâs uásálijd puáhtá leđe tápulâš ovtâskâs siijdân – tegu Njeellim tábáhtusâst lii keevvâm. 

Säämi Parlamentaarlâš Rääđi lii Suomâ, Taažâ já Ruotâ sämitigij koskâsâš parlamentaarlâš oovtâstpargo-orgaan.

Lasetiäđuh:

Suomâ sämitige já säämi parlamentaarlâš rääđi saavâjođetteijee Klemetti Näkkäläjärvi, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. p. +358 50 524 2109

Suomâ sämitige lahâčällee Aimo Guttorm, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. p. +358 50 3211 265

Säämi Parlamentaarlâš Rääđi avžuuttâs (eŋgâlâskielân)