Sosiaal- já tiervâsvuođâlävdikodde |
![]() |
![]() |
Sosiaal- já tiervâsvuođâlävdikodde lii sämitige sosiaal- já tiervâsvuođâpoolitlâš iävtuttâsâi, algui, ciälkkámušâi já peleväldimij valmâštellee. Lävdikode pargon lii ovdediđ sämmilij vuoigâdvuođâid já sajattuv Suomâ sosiaal- já tiervâsvuođâhuolâttâsvuáháduvâst.
Lävdikodde meerrid staatâ pudjetist (válduluokka 33, sosiaal- já tiervâsvuođâministeriö) sämikielâlâš sosiaal- já tiervâsvuođâpalvâlusâi tuurvâstmân čujottum staatâtorjuu kevttimist. Tot valmâštâl sämitige čuákkimân kuhheeb äigipaje vuávám sämikielâlâš sosiaal- já tiervâsvuođâ¬palvâlusâi pyevtitmist já addel ihásávt sämitige čuákkimân já Laapi läänihaldâttâsân čielgiittâs sämikielâlâš sosiaal- já tiervâsvuođâpalvâlusâi tuurvâstmân čujottum staatâtorjuu kevttimist. Lävdikodde västid já ana huolâ Tave-Suomâ sosiaalsyergi mättimkuávdážân meridum sämiaalmug palvâlemtáárbui huámášume käibideijee tárbulij pargoi hoittáámist.
Lävdikode kieđâvuššâm aašijd valmâštâllâv já olášuttev sosiaal- já tiervâsvuođâčällee já Tave-Suomâ sosiaalsyergi mättimkuávdáá sämiohtâduv vuávájeijee.
Sosiaal- já tiervâsvuođâlävdikoodán kuleh iivijn 2012-2015 tah jesâneh já värijesâneh:
Jesâneh: Ilmari Tapiola, sj. Nihkolas Valkeapää, vsj. Heidi Eriksen Marjo Semenoff Katja Magga Pentti Valle Pekka Pekkala
Värijesâneh: Elle Aikio Ulla Magga Pentti Morottaja Pauliina Feodoroff Tuula-Maija Magga-Hetta Laila Aikio Marja Selkälä |
|
Viimeksi päivitetty ( 26.06.2015 ) |