| Säämi parlamiänttáreh čokkâneh Kirkkonjaargâst |
|
|
|
SSäämi parlamentaarlâš rääđi uárnee kuálmád sämmilâšparlamiänttárij konferens. Tääl tot tuálloo Kirkkonjaargâst 10. skammâmáánu 2011. Konferens teeman láá ärbibvuáválâš tiätu já arktâlâš ääših. Lasseen tarkkuustâllâp tave-eennâmlâš sämisopâmuš já árvuštâllâp ovdebáá parlamiänttárij konferens puátusijd. Konferens čuákkee oohtân sämitigij aalmug valjim jesânijd. Konferens loopân toohâp loppâciälkkámuš.
Kove: Säämi parlamiänttáreh Ruávinjaargâst 2008
Konferens tuálloo Kirkkonjaargâ Thon hotellâst. Konferens álgá skammâmáánu 10. peeivi tme 9.00 já nohá tme 18.00. Konferensmáláseh álgih tme 19.00. Vástuppeeivi 11. peeivi vyelgib pááikán. Säämi parlamentaarlâš rääđi ohtsâš stivrâ västid konferens valmâštâlmist já orniimist.
Vuossâmuš sämmilâšparlamiänttárij čuákkim uárnejui Ruotâ Juhâmohheest 24. kuovâmánnu 2005. Juhâmohheest meridii, et sämmilâšparlamiänttárij konferens uárnejuvvoo kuulmâ ive kooskâi. Nubbe sämmilâšparlamiänttárij čuákkim uárnejui Ruávinjaargâst roovvâdmáánu 29. peeivi 2008.
Juhâmohe almosciälkkámuš 2005 kávnoo: suomâkielân, tavesämikielân Ruávinjaargâ loppâciälkkámuš 2008 kávnoo tääbbin.
Sämmilâšparlamiänttárij konferens ohjelm skammâmáánu 10. peeivi 2011 Kirkkonjaargâst (suomâkielân, tavesämikielân)
Säämi parlamentaarlâš rääđi tievâsčuákkim 9. skammâmáánu
Kirkkonjaargâst uárnejuvvoo meid Säämi parlamentaarlâš rääđi (SPR) tievâsčuákkim skammâmáánu 9. peeivi. Säämi parlamentaarlâš rääđi lii Tave-enâmij sämitigij oovtâstpargo-orgaan. Säämi parlamentaarlâš rääđi čuákkimpovdiimist huolât Säämi parlamentaarlâš rääđi ohtsâš stivrâ já povdim äššilistoidiskuin vuolgâttuvvoo majemustáá 2 oho ovdil čuákkim. Povdiimist kalga oovdânpyehtiđ, magareh ääših iävtuttuvvojeh kieđâvuššâmnáál čuákkimist.
Lasetiäđuh Suomâbeln |
|
| Viimeksi päivitetty ( 16.11.2011 ) |
