Säämi parlamentaarlâš rääđi jođettem sirdâšui Suomâst Taažân PDF Tulosta
Suomâ sämitige saavâjođetteijee Juvá Leemit, Klemetti Näkkäläjärvi lii toimâm Säämi parlamentaarlâš rääđi saavâsaavâjođetteijen majemuid kyehti ive. Saavâjođettem sirdâšui Suomâ sämitiggeest Taažâ sämitiigán Kirkkonjaargâst skammâmáánu 9. peeivi. Säämi parlamentaarlâš rääđi (SPR) tievâsčuákkim uárnejui Kirkkonjaargâst.

 

Säämi parlamentaarlâš rääđi lii sämitigij Tave-eennâmlâš oovtâstpargo-orgaan. Säämi parlamentaarlâš rääđi čuákkim savâstâlâi já kieđâvušâi el. nuorâipolitiiklâš aašijn, kielâoovtâstpargoost, sämikuávlu piätuvahâgijn já sämmilij aalmuglâš tubdâlduvâi lävdikode tooimâst. 

 

parlamentarihkkarat_girkonjarggas_2011_copyright_samediggi.no_panorama_500px.jpg

Kove: Säämi parlamiänttáreh Kirkkonjaargâst 2011. Kove Sametinget, Karasjok  

 

Säminuorah já kielâoovtâstpargo uáinusist

 

Säämi parlamentaarlâš rääđi čuákkim ohtâvuođâst uárnejui ucceeb seminaar mon fáddán lijjii nuorâipoolitliih ääših. Seminaar maŋa SPR čuákkim meridij vuáđudiđ ohtsii nuorâirääđi, mii šadda porgâđ nuorâipoolitlâš ašijguin já toimâđ säminuorâi ohtsâš jiennân, nuuvt aalmugijkoskâsávt ko sämikuávlust-uv.

 

spr_nuoraidraddi_2011_copyrights_samediggi.no_500px.jpg

Kove: Säminuorah Kirkkonjaargâst 2011. Kove Sametinget, Karasjok

 

Lasseen säämi parlamentaarlâš rääđi čuákkim meridij avžuuttiđ jieškote-uv Sämitiigijd uásálistiđ tave-eennâmlâš sämikielâ tutkâm- já áámmát/reesuurskuávdáá keččâlemprojektân. Sämitigeh usálisteh haahân toin iävttoin, et toos mieđettuvvoo EU Interreg ruttâdem tâi toos kávnoo eres ruttâdemkäldee. Lasseen oovtâstpargoiähtun lii et jyehi eennâm sämitigeh uážžuh ruttâdem já kielâáámmátlijd haavâ várás.

Viimeksi päivitetty ( 21.11.2011 )
 
‹‹Takaisin