| Säminuorâi taaidâtábáhtus uđđâ Sajosist 28.-29.03.2012 |
|
|
|
Säminuorâi taaidâtábáhtus uárnejuvvoo eidu valmâštum Säämi kulttuurkuávdáš Sajosist Anarist njuhčâmáánu loopâst. Tábáhtus väldikodálâš válduteeman lii muusik jieškote-uv šlajâinis. Lasseen nuoráh peessih kištottâllâđ njuárustmist Sajos pirrâsist, kost uárnejuvvoo meid suoppâinviestâ, mon čyeigih tovláá ääigi päddisavehijguin.
Taaidâtábáhtusâst väljejuvvojeh säminuorâi ovdâsteijeeh Nuorâ Kulttuur SOUNDS –tábáhtusân, mii tuálloo Tuurkust 25.– 27.05.2012.
Säminuorâi taaidâtábáhtus pištá taan ive kyehti peeivi, moin ávuduvvoo siämmást uđđâ Sajos valmâštume. Uásálisteid väriduvvoo ijâstâllâmmáhđulâšvuotâ Aanaar markkânist. Sämitigge tieđeet škovláid puorijn aaigijn tábáhtus orniistâlmijn ja almottâttâmäigitavlust. Väldikodálii tábáhtus njuolgâdusah, maid nuávdittep meid säminuorâi taaidâtábáhtusâst, kávnojeh taan liiŋkâst http://nuorikulttuuri.fi/sounds/.
Taaidâtábáhtus valmâštellen sämitiggeest tuáimá oppâmateriaalvuávájeijee Anni Näkkäläjärvi (anni.nakkalajarvi(at)samediggi.fi) oovtâst nuorâičällee Inka Nuorgamijn (inka.nuorgam(at)samediggi.fi). Čuávu nettisiijđoid!
Ovdebij säminuorâi taaidâtábáhtusâi raporteh láá uáinimnáál täst. |
|
| Viimeksi päivitetty ( 04.01.2012 ) |