Almottâttâm Säminuorâi taaiđâtábáhtusân aalgij |
![]() |
![]() |
Säminuorâi taaiđâtábáhtus uárnejuvvoo taan ive kyehtipiäivásâân Anarist kulttuurkuávdáš Sajosist 28.–29.3. Ive teeman lii väldikodálii Nuori Kulttuuri –tábáhtus miäldásávt muusik. Muusik lasseen Anarist puáhtá uásálistiđ njuárustâllâmviestâčuoigâm– já njuárustemkiišton.
Koskoho 28. peeivi lii olgotábáhtus Sajos pirrâsist. Ohjelmist lii om. njuárustâllâmviestâčuoigâm várvusavehijguin, sehe njuárustemkišto. Ehidist lii kulttuurohjelm Sajos auditoriost.
Tuorâstuv 29.3. lii muusikkeejâdmâspeivi, mast väljejuvvoo säminuorâi ovdâsteijee väldikodálâš Nuori Kulttuuri -tábáhtusân. Tábáhtus uárnejuvvoo Tuurkust 25.–27.5.2012.
Almottâtmijd Säminuorâi taaiđâtábáhtusân kalga vuolgâttiđ majemustáá vástuppeeiviv 2.3.2012.
Tego ovdil-uv, Sämitigge uárnee tábáhtusân bussisáátuid sämikuávlust. Tábáhtus lii áávus meiddei sijjân, kiäh puátih sämikuávlu ulguubeln.
Lasetiäđuid Säminuorâi taaiđâtábáhtusâst šleđgâpostáin čujottâsâst heli.huovinen(at)samediggi.fi
teikkâ puhelimáin 010 – 839 3166
|
|
Viimeksi päivitetty ( 29.02.2012 ) |