| Sajos vihkâmjuhle já Sämitige vaaljâpaje lekkâmtuáluh uárnejuvvojeh cuáŋuimáánu aalgâst |
|
|
|
Säämi kulttuurkuávdáš Sajos vihkâmjuhle já Sämitige vaaljâpaje 2012–2015 juhlelâš lekkâmtuáluh uárnejuvvojeh majebaargâ 3.4.2012. Ovtâstittum juhletilálâšvuotâ álgá ekumeenlâš immeelpalvâlussáin Aanaar sämikirhoost tijme 15.00, mon maŋa Sajos Dolla-auditoriost uárnejuvvoo tuše puávdejum kuossijd uáivildum uánihis lekkâm- já vihkâmtilálâšvuotâ. Juhleh juátkojeh Sajosist puohháid ávus kulttuurehidin tme 20.00.
Koskoho 4.4.2012 tijme 11–17 uárnejuvvoo ubâ aalmug juhle, kuás säämi kulttuurkuávdáš Sajosist uuvsah láá áávus já tábáhtusah ubâ peeivi ääigi. Aalmugjuhleest lii kähvikuásuttem. Peeivi ääigi Sajos kevtteeorganisaatioh oovdânpyehtih jieijâs tooimâ. Lasseen ohjelmist láá muusik- já teatterčáittuseh, uápistum tálurieggeeh, párnáid uáivildum ohjelm ja kähvikuásuttem.
Majebaargâ 3.4. kulttuureehid já koskoho 4.4. aalmugjuhle täärhib ohjelmist tieđettuvvoo maŋeláá. |
|
| Viimeksi päivitetty ( 05.03.2012 ) |