Säminuorâi taaidâtábáhtusân oláttâsmeeri uásálisteeh |
![]() |
![]() |
Säminuorâi taaidâtábáhtusân, mii uárnejuvvoo Aanaar Sajosist njuhčâmáánu loopâst, láá puátimin oláttâsmeeri uásálisteeh. Almottâttâm láá tääl jo paijeel 350 uásálisted, mut ko majemuuh-uv almottâtmeh puátih, te uásálistei meeri paijaan paijeel neelji čyeđe. Uásálisteeh láá taan ive sämikuávlu lasseen meid Ruávinjaargâst já Helsigist. Muusikkiišton láá almottâttâm ohtsis 19 juávkkud, main láá ovdâstum sehe aanaar-, nuorttâ- já tavesämikielah.
Almottâtmeh láá puáttám nuuvt suoppâinviestân já njuárustemkiišton, mii uárnejuvvoo koskoho 28.03. ko muusikkejâlmâsân-uv, mii uárnejuvvoo tuorâstuv. Muusikkejâlmâsâst tuámáreh väljejeh säminuorâi ovdâsteijeid aalmuglâš Sounds-tábáhtusân Tuurkun.
Säämi kulttuurkuávdáš Sajos addel taan ive tábáhtusân korâdis raamijd. Tuorâstuv muusikkejâlmâs saijeen lii suullân 400 jiegâ Dolla-auditorio, mast lii kevttimnáál šievšlaajâg tekniik čuovâidiskuin já piähtusijdiskuin.
Säminuorâi taaidâtábáhtus lii väldikodálâš Nuorâ kulttuur-tábáhtuskuálusân kullee sämikielâlâš kuávlutábáhtus, mon váldu-uárnejeijen lii sämitigge. Aanaar tábáhtus láá orniimin meid Aanaar škovlâ, Säämi máttááttâskuávdáš já páihálâš sämiservi Anára Sámi searvi.
Lasetiäđuh säminuorâi taaidâtábáhtusâst täst. Čuávu nettisiijđoid.
Teivâdep Sajosist 28.–29.03! |
|
Viimeksi päivitetty ( 09.03.2012 ) |