| Tiervâpuáttim ávudiđ Saijoos já Sämitige! |
|
|
|
Sämitige vaaljâpaje 2012–2015 lekkâmeh já Saijoos vihkâmávutuáluh uárnejuvvojeh cuáŋuimáánu 3.-4. peeivi Anarist. Ávutuáluh älgih majebaargâ 3.4. tme 15–16 ekumeenlâš immeelpalvâlussáin, mii uárnejuvvoo Aanaar sämikirhoost já juátkojeh tme 20–22 kulttuurehidáin, mii uárnejuvvoo Sajosist. Taah tilálâšvuođah láá áávus puohháid. Immeelpalvâlus já kulttuureehid kooskâst uárnejuvvoo tuše puávdejum kuossijd uáivildum virgálâš lekkâm- já vihkâmtilálâšvuotâ. Ávutuáluh juátkojeh ittinâš Sajosist, kuás uuvsah láá áávus tme 11–17 já ohjelm uárnejuvvoo ubâ peeivi.
Aanaar sämikirhoost tme 15 älgee ekumeenlâš lekkâmimmeelpalvâlus lii pispemessu. Tuáivup, et kirhomiänoid uásálisteeh liččii sajestis majemustáá 14.45. Tieđettep tilálâšvuođâ täärhib ohjelmist maŋeláá mii nettisiijđoin.
Sajos lii toppum aalmugist majebaargâ 3.4. tme 15–19 koskâsii ääigi. Uuvsah lekkâseh oppeet tme 19. Ávuviehân uárnejuvvoo kähvikuásuttem tme 19–20. Tuáivup, et kulttuureehid viehâ čokkááččij sajestis tme 19.45.
Kulttuureehid joođeet Ánne Kirste Aikio já juhle lekkâmsaanijd ciälkká rehtor Liisa Holmberg. Taaidâreh Marja Helander já Outi Pieski muštâlává tuojijnis, moh láá uáinimnáálá Sajoist. Mieldi láá še staatâ taaidâtyejitoimâkode värisaavâjođetteijee Veli Granö sehe Saijoos lasâliijnij vuávájeijeeh Tytti Bräysy já Anna-Leena Pyylampi.
Kulttuureehid ohjelmist lávdásteleh čajáttellee Irene Länsman, anarâškielâlâš lávlumjuávkku Koškepuško, anarâškielân lávloo Heli Aikio já nuorttâsämikielân leu’ddejeijee sämitige 1. värisaavâjođetteijee Tiina Sanila-Aikio. Tavesämikielâlâš muusik oovdânpyehtih Wimme Saari, Ánnamáret Ensemble, Anna Näkkäläjärvi-Länsman, rap-musijkkár Áilu Valle já Annukka Hirvasvuopio-Laiti.
Tieđettep täärhib ohjelmist maŋeláá jieččân nettisiijđoin Ávus uuvsâi Aalmugjuhleest, mii uárnejuvvoo koskoho 4.4. Tiäđust lii ivnáás, ilolâš já kulttuurnalliis juhlepeivi!
Tiervâpuáttim! Čuávu nettisiijđoid! |
|
| Viimeksi päivitetty ( 30.03.2012 ) |