Muusikohjelm lekkih Ánnámáret Ensemble, Annukka Hirvasvuopio-Laiti, Heli Aikio já Ailu Valle tállán uuvsâi lekkâm maŋa. Ánnámáret Ensemblest lávdásteleh Anna Näkkäläjärvi-Länsman (laavlâ já klarinet), Johanna Juhola (haidar), Katri Kittilä (piano), Janne Lappalainen (buzuki já kiitaar) já Ilkka Heinonen (kontrabasso). Annukka Hirvasvuopio-Laiti juáigá tavesämikielân já Heli Aikio lávlu anarâškielân. Ailu Vale ohjelm čokkân tavesämikielâlâš rap-musikkist.

Sajos tuáimei, táluproojeekt mudoi já arkkitehtuur oovdânpyehtimeh älgih tme 13 haldâttâhhoovdâ Juha Guttorm oovdânpyehtimáin. Totkee Suvi Kivelä oovdânpuáhtá Sämiarkkâduv (Sámi arkiiva) tooimâ, máttátteijee Anna Morottaja Säämi máttááttâskuávdáá sämikielâ škovlim, tooimâstivrejeijee Ristenrauna Magga Sámi Soster -seervi tooimâ já kirjerájujođetteiojee Eija Leivo Aanaar sämikirjerááju tooimâ. Táálust toimâsojijdis tuálleeh Anarâškielâ servi, Sámi duodji r.y. já Laapi kuávluhaldâttâhvirgádâh oovdânmpyehtih še jieijâs tooimâ. Oovdânpyehtimij kooskâst Nils Heikki Paltto juáigá tavesämikielân já kirjeráájust kirječällee-taaidâr Ima Aikio-Arianaick oovdânpuáhtá jieijâs taiduu.

Säämi párnáikulttuurkuávdáš Mánnu uárnee párnáid pessijâšpuđâldem já sämikielân lohtâseijee ohjelm, maid stivriv Petra Magga-Vars já Inka Nuorgam. Párnááh uážžuh jotteeđ sämikielâ pálgá mield Sajos-táálu miätá.

Juhlepeeivi pajalâssân láá Irene Länsman teatterlávdástem, Heli Aikio lávlum anarâškielâliih lavluuh já Anna Näkkäläjärvi-Länsman soololávdástem.

Sämitigge já puoh Saijoos tuáimeh tuáivutteh kuosijd Anarist já olgoláá-uv pyereest puáttám Saijoos Aalmugjuuhlán! Kähvikuásuttem lii ubâ peeivi.