| Säämi kielâlaavâ 31 §:st uáivildum torjuuh uuccâmnáál |
|
|
|
Riehtiministeriö almoot uuccâmnáál säämi kielâlaavâ (1086/2003) 31 §:st uaivildum torjuid, moi várás lii taan ive kevttimnáálá ohtsis 120.000 000 eurod. Torjuu puáhtá mieđettiđ sämikuávlu kieldáid, servikuddijd já palgâsáid sehe laavâ 18 §:st uáivildum priivaat uásipeelijd mainâšum laavâ heivitmist šaddee sierânâs lasekoloi luávdimân.
Rijjâhámásijd ucâmušâid kalga toimâttiđ riehtiministeriön majemustáá 20.4.2012 tme 16.15. Riehtiministeriö postâčujottâs lii PL 25, 00023 Valtioneuvosto, já jotteemčujottâs Eteläesplanadi 10.
Ucâmušâst kalga čielgiđ taid sierânâs lasekoloid, moi luávdimân išeruttâ occoo. Jis ucâmuš ráhtoo säämi kielâlaavâ 18 § vuáđuld, kalga ucâmušâst čielgiđ meiddei, et occee lii mainâšum lahâsaajeest uáivildum priivaat uásipeeli. Jis occen lii priivaatvuoigâdvuođâlâš siärvus teikkâ vuáđudâs, kalga ucâmušân lahteđ siärvus teikkâ vuáđudâs kyeskee registerváldus sehe majemustáá nanodum ruttâtuálulopâttem, toimâčielgiittâs já tilitärhistemmuštâluš.
Ucâmušlattiimist nuávdittuvvoo staatâtoorjâlaahâ (688/2001).
Lasetiäđuid addel haldâttâsneuvos Mirja Kurkinen, puh 09-1606 7621 ( Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. ). |
|
| Viimeksi päivitetty ( 27.03.2012 ) |