| President Sauli Niinistö liäkká sämitige vaaljâpaje 2012–2015 |
|
|
|
President Sauli Niinistö liäkká sämitige vaaljâpaje 2012–2015 já siämmást uásálist Säämi kulttuurkuávdáš Sajos vihkâmávutuáloid majebaargâ 3.4. Anarist. Ávutuáluh älgih tme 15 Aanaar sämikirhoost Sämitige ekumeenlâš lekkâmimmeelpalvâlussáin, mast särnid pispe Samuel Salmi. Ávutuáluh juátkojeh tme 17 Sajosist älgee puávdejum kuosij tilálâšvuođáin já tme 20 älgee säämi kulttuuriehidáin.
President Niinistö tuálá Sämitige vaaljâpaje lekkâmsaavâ tme 17 älgee lekkâm- já vihkâmjuhleest. Tilálâšvuođâst sárnu meid Sämitige saavâjođetteijee Klemetti Näkkäläjärvi. Tiervâttâsâidis juuhlán pyehtiv Taažâ Sämitige saavâjođetteijee Egil Olli já Ruotâ Sämitige stiivrâ saavâjođetteijee Per Mikael Utsi.
Aalmuglâšarkkâduv uáivihovdâ, staatâarkkâdâhtipšoo Jussi Nuorteva luovât tilálâšvuođâst Sajos sämiarkkâdâhân Syennjil nuorttâsämmilij tovláá arkkâduv.
Tiervâttâsâs juuhlán pyehtih še Euroop komissio jođetteijee Charlina Vitcheva, Svenska kulturfonden Leif Jakobsson, Kuovdâkiäinu kieldâ, Senaatti-kiddoduvâi toimâttâsjođetteijee Aulis Kohvakka sehe Sajos huksimproojeekt jođetteijen toimâm haldâttâhhovdâ Juha Guttorm.
Sämitige já Sajos ávutuáluid lii máhđulâš čuávvuđ interneetist, mast njuálgu vuolgâttâs álgá tme 16.45. Sämitige ekumeelâš lekkâmimmeelpalvâlus vuolgâttuvvoo interneetist monnjâvuolgâttâssân tme 18.30 rääjist. Vuolgâttâs interneetist juátkoo njuálgu vuolgâttâssâm tme 20, kuás säämi kulttuureehid álgá. Vuolgâttâsâid puáhtá čuávvuđ čujottâsâst: http://yle.fi/livestream/saamevideo.asx .
Tilálâšvuođâin toollum saavah láá finniimist tme 18.30 maŋa sämitige päikkisiijđoin čujottâsâst www.samediggi.fi > dokumenttipankki > Avajaiset já vihkiäiset. Njuálgu liŋkkâ täst.
Tilálâšvuođâi ohjelmeh láá finniimist: - Sämitige ekumeenlâš lekkâmimmeelpalvâlus täst- Säämi kulttuureehid täst Täsivääldi president kanslia lostâmediatiäđáttâs 30.03.2012 täst. |
|
| Viimeksi päivitetty ( 03.04.2012 ) |