Marja Helander já Outi Pieski Sajosân rähtim taaidâtyejeh almostittojeh kulttuurehidist 3.4. |
![]() |
![]() |
Marja Helander já Outi Pieski Sajosân rähtim taaidâtyejeh almostittojeh já oovdânpuáhtojeh majebargeehid 3.4. tme 20 älgee säämi kulttuurehidist. Taaidâtuojijd oovdânpuáhtá staatâ taaidâtyejitoimâkode värisaavâjođetteijee Veli Granö. Outi Pieski já Marja Helander lává mieldi tilálâšvuođâst. Pieski tyejeh láá stellejum Sajos parlamentsali Sooljon já Helander tyejeh Sajos sämikirjeráájun já váldu-uuvsâ paajaabel.
Outi Pieski seinireliefi lii stellejum parlamentsali Sooljon. Tyeji čokkân maaŋgâin kolledum já vielgiskolledum stälitaldrikijn, moh hämmejeh maaŋgâtásásii suonjârdeijee virde sali siäinán já sárnumstovlin. Ohtân tyeje visuaallâš vuolgâsaijeen lii nissoon sämimáccuhist kevttum soljo. Tyeje uásih láá häämis peeleest še taldrikeh já tain sorjájeijee pastemeh láá kuáškánjâsah. Keraamisij pastemij hämikielâ puátá ärbivuáválâš säämi čuárvipastemist. ”Tyeje tuoijuudijn lam suogârdâllâm suhâpuolvâi virde ääigist sehe oohtânkulluuvâšvuođâ, mast virde piämmá mii juáhháá”, muštâl taaidâr.
Marja Helander kyevtiuásásâš tyeji lii stellejum Sajos sämikirjeráájun. Tyeje Vuossâmuš uási čokkân 30:st onnáápeeivi sämmilijd kovvejeijee čuovâkooveest, moh láá kovvejum jieškote-uv kuávlust Suomâ. Ulmuuh láá juohum tyejeest aassâmsaje, ahejuávhu já eenikielâ mield.
Tyeje nubbe uási lii stuorrâ čuovâkove, mast tijme-enâduv oolâ láá kovvejum herbaario šadoh. ”Toh hämmejeh ornamentlágán ase mii oŋâttuš oolmij kuávlun, luovvânmáin miäruštâllâm já luokittâllâm čulhoost”, tegu taaidâr jieš valdâl tyejees. Helander kuálmád tyeji ´Tuoddârist´ lii stellejum Sajos váldu-uuvsâ paajaapiäláá laasâ oovdân já tot kovvee piegâ sáimám ohtuunis laajišsuávváid.
Taaidâr Marja Helander tuojijd kieđâvuššee lostâmediatiäđáttâs täst.
Taaidâr Outi Pieski tuojijd kieđâvuššee lostâmediatiäđáttâs täst. |
|
Viimeksi päivitetty ( 03.04.2012 ) |