”Lam tuđâvâš sämitige čuákkim tuhhiittem toimâohjelmân. Ohtsávt tuhhiittum toimâohjelm vuáju sämmiláid tehálumos aašij ovdâskulij tuálvumân já oovdedmân, já šadda stivriđ sämitige tooimâ taan vaaljâpaje ääigi ive 2015 räi”, iätá sämitige saavâjođetteijee Klemetti Näkkäläjärvi.

Sämitige čuákkim 20.6.2012 tuhhiittem sämitiggepaje toimâohjelm 2012–15 váldu-ulmeh láá:

1. ILO 169-sopâmuš ratifisistem

2. Tave-eennâmlâš sämisopâmuš ratifisistem

3. Sämitiggelaavâ já -asâttâs uđâsmittem sehe sämmilâšmiäruštâllâm rievdâdem

4. Sämmilij jiešmeridemvuoigâdvuođâ olášume olesmiärálávt

5. Katais haldâttâsohjelm sämmilâškirjiimij olášume olesmiärálávt

6. Sämikielâi iäláskittemohjelm olášuttem algâttem

7. Aalmuglâš artikla 8(j) -pargojuávhu iävtuttâsâi olášuttem

8. Algâaalmugjulgáštus olášuttem Suomâst

9. Sämikulttuur já ärbivuáválij iäláttâsâi syeje olášume

10. Sämikulttuur hiäjusmittem syeje vijđedem kuoskâđ čäcilaavâ miäldásávt puohháid sämmilijd kyeskee sierânâslavváid

11. Sämikuávlu já ärbivuáválij iäláttâsâi eellimvuáimálâšvuođâ turvim

12. Meddâlvarrim kepidem já maasâdvarrim lasettem sämikuávlun

13. Kielâlâš já kulttuurlâš vuoigâdvuođâi olášume ubâ enâmist

14. Säämi parlamentaarlâš rääđi pehtilis toimâ

15. Sämikielâ já sämikielâlâš máttááttâs sajattuv, juksâmvuođâ já sämmilâš siskáldâs ovdedem

16. Sämmilij pyereestvaijeem já uásálâšvuođâ ovdedem

Sämitige čuákkim tuhhiittij váldu-uulmijd oovtmielâlávt, eereeb saje 3., mii tuhhiittui jienâiguin 11-3.

Ohtsiih ovtâskâsčuággásiih ulmeh láá sämmilij siärvuslâšvuođâ ovdedem, säämi ärbivuáválii tiäđu turvim, säämi kulttuurpirrâs turvim, sämikulttuur eellimvuáimálâšvuođâ turvim ubâ enâmist, sämitige vaaljâvuáháduv ovdedem, sämitige jieijâs tooimâ ovdedem já sämitige hiäđukocceem ovdedem.

Sektorkuáhtásiih ovtâskâsčuággásiih ulmeh láá säämi iäláttâspolitiik, sämikielâ eellimvuáimál⚬vuođâ turvim, sämipárnái já -nuorâi sajattuv ovdedem, sämikielâlâš sosiaal- já tiervâsvuođâ¬palvâlusâi ovdedem, sämmilij kulttuurpalvâlusâi já taaidâeellim ovdedem, sämimáttááttâs já ollâškovlim ovdedem já säämi parlamentaarlâš rääđi tooimâ ovdedem.

Sämitige čuákkim tuhhiittem ekonomiavuávám stivree sämitige vaaljâpaje ruttâdem uuccâm já ruttâdem kevttim. Vaaljâpaajeest sämitigge viggá lääččiđ uđđâ viirgijd sämitiigán sämikielâlâš palvâlussáid, sämikuávlu ulguubeln ässee sämmilij vuoigâdvuođâi oovdedmân, pirâs- já ruukilahâaašij oovdânpyehtimân sämitiggeest sehe vuáđudiđ säämi iäláttâsruttârááju, moin puáhtá tuárjuđ sämi-iäláttâsâid já ärbivuáválii tiäđu siäilum ärbivuáválâš sämi-iäláttâsâst.

Sämitige toimâohjelm já ekonomiavuávám 2012 – 2015