Kost lii Sämieennâm? – Seminaar já eehidkonsert Sajosist 2.11.2012 |
![]() |
![]() |
Kalevalaservi já Sämiarkkâdâh orniv Säämi kulttuurkuávdáš Sajosist puohháid ávus seminaar Kost lii Sämieennâm? 2.11.2012 tijme: 12.00 rääjist.
Kulttuurtutkâm uáinimčievâst Sämieennâm lii saijeen maaŋgâmeerhâšlâš ja muttuustellee tuávádâh, mon puáhtá tarkkuustâllâđ maaŋgâ uáinimčievâst. Seminaarist jieškote-uv syergi totkeeh suogârdeleh saje tuáváduv ovdâmerkkânis Sämieennâm. Sämieennâm puáhtá leđe kielâst, juoigust, tyejeest, muštoin, jurduin, taaidâtuojijn tâi ulmuin kukken eennâmtieđâlâš Sämienâmist. Seminaarist almostittoo Kalevalaseervi 91. ihekirje Sämieennâm - Kulttuurtieđâlâš uáinimčievah (SKS). Kirjeest kärttejuvvoo sämitutkâm tááláš tile vorâs uáinimčievâin, maid fäälih iänááš uđđâ suhâpuolvâ totkeeh. Seminaarin lii rijjâ peessâm já tot lii suomâkielâlâš.
Seminaar teema juátkoo Sajosist tme 19.00 Säämi muusikkuávdáá ja Kalevalaseervi ornim konsertist. Konsertist láá läävdi alne Ulla Pirttijärvi-Länsman Ulda-juávhuinis sehe Tiina Aikio já Annukka Hirvasvuopio-Laiti, kiäid miäđušt Heikki Nikula. Konsertist kuullâp ärbivuáválâš já uđđâáigásâš juoigâm sehe eres sämimuusik. Lasseen kirječällee, toimâtteijee já elleekoverähtee Ima-Aikio Arianaick lohá konsert ääigi tivtâidis, maid ivnee herkis čuovâkovečááitus. Konsert liipu hadde lii 5/8 eurod. Lippuvyebdim álgá Saijoos infoost tiijme ovdil konsert aalgâ. Konsertist lii koskâpuddâ, kuás raavâdviäsu Galla palvâl konsert kuldâleijeid.
Lasetiäđuh seminaarist:
Ulla Piela
puh. 040 538 5144 Suvi Kivelä www.facebook.com/Saamelaisarkisto puh. 050 562 3676
Lasetiäđuh konsertist:
Anu Magga puh. 050 567 2204
|
|
Viimeksi päivitetty ( 10.10.2012 ) |